2015
O le Lisi o le 10 Pito i Luga a Abby
Ianuari 2015

O le Lisi o le 10 Pito i Luga a Abby

Saunia e Rosemary M. Wixom

Peresitene Aoao o le Peraimeri

Rosemary M. Wixom

Mai le “Faaavanoaina o le Taimi e Talanoa ma Faalogo Ai,” Liahona, Ape. 2012, 37.

“O le fuafuaga lenei o le faaolataga mo tagata uma” (Mose 6:62).

I se tasi taimi a o ou asiasi atu i se vasega o tamaitai talavou, sa fai atu ai le faiaoga i le vasega e tusi atu a latou sini o le 10 aupito maualuluga i le olaga. Ona ia fai atu lea ia i latou e faasoa atu mea na latou tusia. O Abby o lē sa le’i leva ona atoa lona 12 tausaga, sa nofo i ou tafatafa. O le lisi lenei a Abby:

  1. Alu i le kolisi.

  2. Avea ma se tagata mamanu faatufugaga i totonu o fale.

  3. Alu i se misiona i Initia.

  4. Faaipoipo i le malumalu i se faifeautalai ua foi mai le misiona.

  5. Maua se fanau e toalima ma se fale.

  6. Auina atu la’u fanau i misiona ma i le kolisi.

  7. Avea ma se tinamatua e “foai atu kuki”.

  8. Faifaaleaga fanau a fanau.

  9. Aoao atili e uiga i le talalelei ma fiafia i le olaga.

  10. Toe foi atu e nonofo faatasi ma le Tama o i le Lagi.

Sa i ai ia Abby se vaaiga mamao o le fuafuaga a le Tama Faalelagi mo i tatou uma. A taulai atu lou ala i luga o lena sini aupito taua o le toe foi atu i le Tama Faalelagi, o le a e oo i ai!