Fesoasoani Mai ia i Matou!
O aso uma, e faaali atu ai e tamaiti i le lalolagi atoa latou te alolofa e ala i le sailia o auala e fesoasoani ai i isi!
O Kuki ma Papeti
O le matou aiga e i ai se “vaitaimi o auaunaga.” Sa matou faia ma o’u uso ni papeti mo tamaiti i se nofoaga o tamaiti matuaoti. Sa matou aveina atu foi ni kuki sukalati i nisi o alii tineimu ma faamama le vaituloto. Ou te fiafia ona o le mafai ona matou auauna atu!
Tobin P., 9 tausaga, Idaho, ISA
O Pese Fiafia
I la matou aso faapitoa o le auauna atu, sa matou asiasi atu ai i se nofoaga autu e fesoasoani i tagata ua le mafai ona tausia i latou lava. Ina ua amata ona matou usuina pese o le Peraimeri ma isi pese, sa amata ona pati ma pepese faatasi mai ai ma tagata. O nisi o i latou sa sisiva foi! Sa matou tuua ai ni feopoaiga ma ni kata sa matou faia mo i latou.
Itu o Leiria, Potukale
Sili Atu nai lo le Kerisimasi
Sa le lavavā lo’u tina ma lo’u tamā mai se aso umi. Sa ou fufuluina ipu ma teu, ma faamama le fola, laulau, ma le fata. Ona ou faamamaina lea o le potu malolo ma le potu taalo. Ina ua feala a’e lo’u tina ma lo’u tama, sa la’ua fai mai sa sili atu nai lo le Kerisimasi!
Cambrie G., 11 tausaga, Georgia, ISA
Galuega Faatino o le Pusa Totini
E matuai maalilili lava i le taumalulu ia tagata e leai ni fale! Sa matou filifili e ao mai ni totini mafanafana mo tagata i le matou eria e leai ni fale. Sa fesoasoani mai alii ma tamaitai talavou, ma e lei umi ae tumu saisai le matou pusa totini i le fiaselau o totini mo tagata e leai ni fale!
Alberta, Kanata