Tusigāmanatu o le Konafesi o Oketopa 2014

“O le mea ua fai atu ai A’u o le Alii, ua ‘Ou fai atu ai; … pe i lo’u lava leo po o i le leo o a’u auauna, ua tutusa lava” (MF&F 1:38).

A o e suesueina le konafesi aoao ia Oketopa 2014, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.

O Tali mo Oe

E tuuina mai i konafesi taitasi, perofeta ma taitai ni tali musuia i fesili atonu o i ai a tagata o le Ekalesia. Faaaoga lau lomiga o Novema 2014 pe asiasi i le conference.lds.org e sue ai tali i fesili nei:

• E faapefea ona tasi le Tama Faalelagi ma Iesu Keriso? Tagai Robert D. Hales, “O Le Ola e Faavavau — ia Iloa lo Tatou Tama Faalelagi ma Lona Alo, o Iesu Keriso,” 80.

• O le a le molimau ma e faapefea ona ou maua se molimau? Tagai Craig C. Christensen, “Ua Ou Iloa Nei Mea Mo Au Lava Ia,” 50.

• O le a se mea ou te faia a o sailia ni tali i au fesili? Tagai M. Russell Ballard, “Nofo i Totonu o le Vaa ma Pipiimau!” 89.

Ua Faamanuiaina Tagata Uma e ala i le Anapogi

“Ou te molimau atu i vavega, faaleagaga ma faaletino, lea e oo mai ia i latou o e ola i le tulafono o le anapogi. … Ia faataua lena avanoa paia tai masina, ma ia limafoai i lau taulaga anapogi ma isi foai agaalofa, faaleaoaoga, ma faifeautalai pe a talafeagai ai ma tulaga. Ou te folafola atu o le a agalelei le Atua ia te outou, ma i latou o e maua le toomaga ona o outou ma o le a faaamuia i lou igoa e faavavau.”

Elder Jeffrey R. Holland, “Pe Le o i Tatou Uma Ea o Ni Tagata Aisi?” O Le Liahona, Nov. 2014, 42.

Ina ia faitau, matamata, pe faalogologo foi i lauga o le konafesi aoao, asiasi ane i le conference.lds.org.

• Ala o Keriso

• O Loo Taitaiina i Tatou e Perofeta Soifua

• Malumalu