Sa masani ona ou faia ni uiga faalealofa, ae ua ou suia, nei ma ou manao e faasoa atu le talalelei. E mafai faapefea ona ou faatoilaloina tulaga ta’uleagaina?

O le mea muamua lava, aua le faatagaina le fefe e taofia oe. Afai ua pa’i atu le Agaga ia te oe ma o loo taumafai e salamo ma suia, o se mea manaia tele lena. Ia manatua, o lenei suiga e mafua mai i le mana gafatia o le alofa tunoa o Iesu Keriso. Faatasi ai ma Lana fesoasoani, e mafai ai ona avea oe ma se tagata fou ma amata ai ona suia lou tulaga. O le a fesoasoani atu foi o Ia ia te oe e faasoa atu le talalelei. E ui o le suia o lou tulaga o le a umi se taimi e alu ai, ae o le a aoga. O ni nai mea nei e mafai ona e faia i lena faagasologa:

• Faatoese i tagata e te iloa ua e faatiga i ai.

• Fai ni mea sa le masani ona e faia e faaali atu ai le agalelei i tagata e le mafai ona e faaali atu i ai lou alofa i le taimi muamua.

• Ia e amiosa’o ma faamaoni i taimi uma.

• Afai o tagata o loo outou faifaimea faatasi e agaleaga i isi, a le o le fai atu i ai e tuu ia po o le aua foi le toe faifaimea faatasi ma i latou. A le o lena, o le a tutusa pau ai lava oe ma i latou.

• Mafaufau e suesue le Moronae 7 ma tatalo mo le alofa mama.