Para sa Gagmayng mga Bata
Ang Balay Nga Gitukod sa Ikapulo
Ang tagsulat nagpuyo sa Utah, USA.
Kini si Jack. Kini ang mga sinsilyo ni Jack nga nagtagingting ug nagkagilkil. Kini ang ikapulo ni Jack, 10 porsyento.
Kini ang bishop nga milamano sa kamot ni Jack sa dihang mibayad siya sa iyang ikapulo, 10 porsyento.
Kini ang propeta, malipayon ug mainampuon, kinsa miingon, “Kita magtukod og templo,” uban sa ikapulo nga gipadala sa bishop kinsa nakiglamano ni Jack sa dihang siya mibayad sa iyang ikapulo, 10 porsyento.
Kini ang templo, sinaw ug puti, balay sa Ginoo nga napuno sa kahayag.
Kini ang balay nga gitukod pinaagi sa ikapulo tungod kay ang propeta miingon, “Kita magtukod og templo,” uban sa ikapulo nga gipadala sa bishop kinsa nakiglamano ni Jack sa dihang siya mibayad sa iyang ikapulo, 10 porsyento.
Kini ang pahiyom ni Jack, dako ug masanagon, sa dihang siya miadto sa templo, nga sinaw ug puti, aron mabugkos ngadto sa iyang pamilya diha sa panan-aw sa Ginoo.
Mga paghulagway pinaagi ni Dani Jones