Oilei! Qai cava qo?
Rawa ni yaco ena dua ga na vanua—mai vale, mai koronivuli, se mai na nodratou vale na nomu itokani. Vakasauri o sa raica e so na ka ko kila ni sega ni vinaka vei iko—ena dua na talevoni, retio yaloyalo, komupiuta, se dua na iyaya ni qito, se ena dua na ivola se mekasini. Oqo na cava o rawa ni cakava mo vakavinakataka cake?
-
Dro tani mai kina. Sogota laivi. Biuta sobu. Okata me vaka e dua na paisoni ka sa curuma yani nomu vakasama—baleta ni o ya sara ga na ka sa yaco.
-
Tukuna vei tinamu se o tamamu. Ira na itubutubu era kilai kemuni vakavinaka, ka ra na via vukei kemuni mo ni bula mamarau. Kakua ni madua. Na ka e yaco vei iko ena yaco ki na tamata kecega ena so na gauna.
-
Veitalanoataka. Ena vukei iko mo tukuna vei tinamu se tamamu ni dua na ka o sotava ena dua na siga e vakasosataki iko. O ira na itubutubu e rawa ni ra vukea na cakava e dua na ituvatuva me maroroi kemuni mai na raica e so na ka e sega ni ganita mo ni sarava. Kevaka mo vakila ni ko sa vesuki, lomaleqa, se o vakila ni ko vinakata mo raica e dua na ka e sega ni ganiti iko vakadeitaka mo na laki tukuna vei rau na ka oqori.
-
Kakua ni weletaka. Sarava se wilika e so na veika vinaka Cakava e so na ka me yaga Laki qarava e dua na itavi vinaka Lako ka laki tu wavoliti ira na matavuvale se itokani.
-
Nanuma se o cei o iko. O iko o sega ni ca baleta na ka o sa raica. O iko e dua na luve ni Kalou, ka lomani iko o Koya, ka na via vukei iko mo maroroi ka bula marau.
-
Laiva me biuti iko. Raitayaloyalotaka ni sa biuti iko e dua na baluni ka sarava ni sa vukataki laivi yani. Tovolea mo yalovakacegu ka laiva na ka o a raica me seyavu laivi mai na nomu vakasama. Oqo mo raitayaloyalotaka na valetabu, nomu matavuvale, se dua tale na ka o na taleitaka mo raica.