Gauna ni ivolanikalou

Pita, Koniliasi, kei na Agilosi

Mai vei Erin Sanderson

Na dauvolaivola e vakaitikotiko mai Utah, Amerika.

Vulica vata ena yabaki oqo na Veiyalayalati Vou!

Ni sa tucaketale mai na mate o Jisu ka lesu tale ki lomalagi, eratou sa qai vunau o Pita kei iratou na iApositolo ena levu sara na vanua, ia, vei ira walega na Jiu.

O Koniliasi e dua na turaganivalu ena mataivalu ni Roma. E a vakabauta na Kalou, ia o koya e sega ni Jiu E a rairai vua e dua na agilosi ka tukuna vua me talai Pita. E a talai ira na nona tamata o Koniliasi mera laki vaqarai Pita, ka sa qai tukuna na Yalo Tabu vei Pita me lako vata kei iratou.

Ena vale nei Koniliasi a vakavulica kina o Pita e lewe levu sara na tamata ka ra sa soqoni vata e kea. E a tukuna vei ira na kosipeli i Jisu Karisito ka ra vakila na Yalotabu ka ra sa vakila ni dina. Ni ra sa kila na itokani nei Pita ni sa laki vunau vei ira era sega ni Jiu era sa kidroa sara ga. Ia, sa qai tukuna vei ira o Pita ni kosipeli i Jisu Karisito e baleti ira kece sara. (Raica na Cakacaka 10:1–48; 11:1–18.)

Veivosaki ni Matavuvale

Wilika na Maciu 28:19–20. Veivosakitaki ira na tamata eda rawa ni wasea kei ira na kosipeli. Vakasamataka mada na taro era na taroga na nomu itokani kei ira na kainomu me baleta na kosipeli. Sa rawa ni ko vakatovotovotaka na taroga na taro ka sauma ena kena dramataki mai vei iratou na nomu matavuvale.

Sere: Digitaka e dua na sere baleta na kaulotu, me vaka na “We’ll Bring the World His Truth” (Children’s Songbook, 172).

iVolanikalou: Maciu 28:19–20

Vidio: Lako kina Biblevideos.org mo sarava kina na “iVakatakila e soli vei Pita me kauta na Kosipeli vei ira na kai Matanitu Tani.”

Vuli iVolanikalou

Rawa ni da kila vinaka cake na ivolanikalou ni da wasea na veika eda sa vulica tiko. Wilika vata kei iratou na nomu matavuvale e dua na tiki ni ivolanikalou ka veivosakitaka na ibalebale ni vosa se itomo ni vosa e dredre, na cava na ibalebale ni ivolanikalou vei iko, kei na nomu na bulataka.

Vulica Vakalevu

Ni bera ni kacivi o Pita me tisaipeli e a dau kilai tu me o Saimoni na gonedau. E a solia vua o Jisu na yaca Pita, ka kena ibalebale na “vatu lalai” se “vatu lelevu.” Ni sa biuti vuravura o Jisu, e sa iApositolo veiliutaki sara o Pita ka liutaka na Lotu. Sa tiko vua na idola se na Lewa ni Matabete.

Meda sa vakarau meda wasea!

Dua na sala meda na daukaulotu vinaka sa ikoya meda tovolea meda vakataki Jisu. Kotiva laivi mai na beji ka vakalewena e dua na itovo ko na sasagataka mo vakatovotovotaka. Ko na rairai sasagataka mo “Elder Dauloloma” sSa tiko yadua kei keda na isolisoli tawavolirawa ni galala ni digidigi, ka sa vakatarai keda meda tautauri ena kaukauwa kei na qaqa ni Veisorovakie “Sisita Vakavinavinaka.” Biuta na nomu beji me rawa ni vakananumi iko tiko mo nanuma na nomu lalawa.

iTalatala Qase

iTalatala Qase

Sisita

Sisita

Mawi: ivakatakarakara mai vei Craig Stapley; matau: kena matailalai mai na irairai kei Karisito, mai vei Heinrich Hofmann, iloloma mai vei C. Harrison Conroy Co.