Me Baleti Ira na Gonelalai
Na Papukeni nei Paul
O koya e vola e vakaitikotiko mai Utah, Amerika.
A vukei Ta voli o Paul ni teivaka e dua na iteitei. A nuitaka o koya me tiko eke o Eric na tacina me veivuke. Ia o Eric a tu vakayawa sara ena kaulotu.
“Au na sega ni levu me vakataki Eric,” a kaya o Paul. “Au na rawa vakacava ni lako ena kaulotu vakataki koya?”
“Kakua ni yalolailai,” a kaya o Ta. “Ko na tubu.”
A solia vei Paul o Ta eso na itei ni papukeni. A vukei Paul o koya ena kena teivaki.
“Na itei lalai oqo ena tubu li ki na veipapukeni lelevu?” A taroga o Paul.
“Kevaka o qarauni ira vinaka.” a sauma o Ta.
A lako mai tuba o Paul ena veisiga me vakaraica na iteitei. A vakasuasuataka o koya, ka ra sa tekivu buroro cake mai. Sa ra ka levu mai na drauna. A cavuta ena qaqarauni o Paul na veico.
Ena vulaikelikeli sa ra tubu saraga na nona itei ni papukeni. Ka ra sa papukeni bota lelevu!
A dreti Ta o Paul me vakaraitaka vua. “O iko a qarauna vinaka saraga na itei ni nomu papukeni!” A kaya o Ta.
“Io! Ka’u na qarauni au vinaka, me rawa ni’u ka levu talega.” A dredrevaka o Paul. “Ni gauna au sa levu kina, au sa rawa ni lako i kaulotu me vakataki Eric!”
Droini mai vei Amy Wummer