Vakatawana na Nomu Cina: E 30 na Siga ni Veivakatovolei

Vei ira na itabagone ena Lotu era bula osooso, e rawarawa sara na laki tao tu ena dua na ivakarau makawa, vakabibi ena veika vakayalo. Eda wilika na noda ivolanikalou, masu, ka sokalou ena dua na ivakarau tudei ena veisiga ka da vakasamataka na vuna eda se malumalumu tikoga kina vakayalo.

Dua vei ira na sala vinaka me waqa tikoga kina na nomu cina vakayalo o ya mo raica mo vakila e yalomu na veika vakayalo e vakaibalebale cake. Ia e rawarawa na kena tukuni mai na kena caka, sa vakaturi kina oqo me vukea na nomuni tubu vakayalo: Vakasamataka mada e dua na itaviqaravi vakosipeli o se bera vakadua ni cakava (se sega ni dau cakava rawa) ka mo vakadeitaka mo na cakava ena veisiga me dua na vula. Sa rawa mo tekivuna vakalalai baleta ko na raica ni na rawarawa me caka na veisau lalai mera laki tudei. Ni da cakava na veika e kauti keda tani mai na vakacegu vakasivia mai na veika vakayalo, ena gadrevi kina me levu cake na noda vakabauta kei na sasaga, ia ni da sa cakava, eda sa sureta tiko na Yalo Tabu me tiko vata kei keda, ka da sa vakaraitaka ni sa cecere sara na noda vakabauta na Tamada Vakalomalagi ka gadreva dina meda toro voleka Vua. Oqo eso na vakasama mo rawa ni tekivu kina: