Na Tikite ni Vakelelori
E vakaitikotiko na dauvolaivola mai Baja California, Mexico.
Fátima!
Droini mai vei Bryan Beach
Au a laki sara yaloyalo vata kei na so na noqu itokani vakalotu. Ni keitou curuma yani na vanua ni volivolitaki, a soli vei keitou e dua na tikite ni ikelekele ni lori. Ni sa cava na yaloyalo, keitou a vakila ni keitou sa vakayalia na tikite ni vakelelori. E liu keitou nanuma ni keitou rawa ni sauma ga na tikite, ia e sega ni dua vei keitou e tiko vua na 180 na pesos e gadrevi me baleta na itotogi.
Na vatuka ni kena sega ni saumi rawa na vakelelori oya na biu tu mai ni motoka ena vanua ni volivolitaki me na tuitaki, ka sa na qai sau levu sara. Na yalolailai sa curumi ratou mai na noqu ilawalawa, vakabibi o koya ka draiva voli me vaka ni nei tamana na motoka. Au a lako vakatikitiki meu masu mada. Au a kerea na Tamada Vakalomalagi ena noqu vakabauta kei na yalomalumalumu taucoko me vakarautaka e dua na sala vei keitou me wali kina na neitou leqa ka lesu bula ki na neitou itikotiko. Au na sega ni guilecava rawa na ka a yaco ni oti ga e vica na sekodi na kena tini na noqu masu.
Niu taubale lesu voli ki na motoka, a tekivu kaciva mai na yacaqu e dua na tamata e dakuqu. Oya o Francisco, e dua na itokani mai na koronivuli levu. A tarogi au o koya se cava au cakava voli, kau tukuna vua na veika a yaco. Sega tale ni qai wawa, nona sa ucuna mai tuba na nona baosi ka solia vei au na ilavo veirauti me saumi kina na tikite yali. Na cakacaka ni loloma oqo e sa saumi lesu kusarawa ni noqu vakatakekere kivua na Tamada Vakalomalagi.
Ena sega ni kila rawa o Francisco na nona veivuke levu, ia au kila niu na vakavinavinaka tu ga ena vo ni noqu bula.
So na gauna e dau veivakurabuitaki na sala eso e sauma kina na noda masu na Tamada Vakalomalagi, ia e sega ni ka vakacalaka. E kilai keda vakavinaka sara na Tamada Vakalomalagi kei Jisu Karisito ka tosoya na veiwa ni noda bula.
Au kila ya ni da bula dodonu voli, ni da rekitaka na veivakalougatataki tawawili ka rawa ga ni solia vei keda na Tamada Vakalomalagi, oka kina na Nona yalayala kivei keda ni “kevaka [eda] sa kitaka na veika oqo, [eda] na laveti cake ena siga mai muri” (Alama 37:37).