2015
O mea ua faamamafaina mai i le Konafesi Aoao Faaleafatausaga Lona 185 o le Ekalesia a Iesu Keriso o le Au Paia o Aso e Gata Ai
Novema 2015

O mea ua faamamafaina mai i le Konafesi Aoao Faaleafatausaga Lona 185 o Le Ekalesia a Iesu Keriso o le Au Paia o Aso e Gata Ai

“O oe o se atalii po o se afafine o lo tatou Tama Faalelagi,” o le saunoaga lea a Peresitene Thomas S. Monson i le sauniga i le taeao o le Aso Sa o le konafesi aoao. “Na outou o mai mai Lona afioaga ia ola i lenei lalolagi mo se vaitau, ma ia avea ma faataitaiga o le alofa ma aoaoga a le Faaola ma ia faasusulu atu ma le lototoa tou malamalama mo tagata uma ia vāai i ai. A faamutaina lena vaitau i le lalolagi, afai na e faia lau vaega, o lou faamanuiaga la o le a matua mamalu i le toefoi atu e mau faatasi ma Ia e faavavau” (itulau e 88).

Sa matauina i lenei konafesi aoao le tuumalo ai talu ai nei o Peresitene Boyd K. Packer ma Elders L. Tom Perry ma Richard G. Scott o le Korama a Aposetolo e Toasefululua. Sa lagolagoina e tagata o le Ekalesia ia uso fou e toatolu o le korama: Elders Ronald A. Rasband, Gary E. Stevenson, ma Dale G. Renlund.

O isi mea na faamamafaina atu:

  • O saunoaga mai ia Elders M. Russell Ballard, David A. Bednar, ma D. Todd Christofferson o le Korama a Aposetolo e Toasefululua na faamamafaina mai le mafuaaga ua faatuina ai e le Alii Lana Ekalesia, ma avea perofeta ma aposetolo ma ona faavae, ia faia Lana galuega ma faatagaina ai i tatou e toe foi atu ia te Ia (tagai i itulau e 24, 128, ma le 108).

  • Na faamalamalama mai i saunoaga a Russell M. Nelson ma Elder Jeffrey R. Holland o le Korama a Aposetolo e Toasefululua ia matafaioi taua a tamaitai. Na faailoa mai e Peresitene Nelson: “E le mafai ona atoa le malo o le Atua ma e le mafai lava ona atoa e aunoa ma tamaitai o e osia feagaiga paia ona tausia lea, o tamaitai o e e mafai ona tautatala atu ma le mana ma le pule a le Atua!” (itulau 96).

  • Sa toe faamautinoa mai e Elder Dallin H. Oaks o le Korama a Aposetolo e Toasefululua faapea “sa mafatia ma oo lo tatou Faaola i le atoaga o luitau uma faaletino. … Ma ona o lenei mea, ua Ia maua ai le mana o Lana Togiola e fesoasoani mai ai ia i tatou—e tuu mai ia i tatou le malosi e onosaia ai ia mea uma” (itulau e 61–62).