Epikopo W. Christopher Waddell

Fesoasoani Lua i le Au Epikopo Pulefaamalumalu

I le avea ai ma se tagata taalo o le kolisi, sa maua e Christopher Waddell se sikolasipi o le volipolo i le Iunivesite o le Setete o San Diego i Kalefonia, ISA. Ae sa ia aoaoina ia lotofaafetai mo se epikopo o le na fesili atu ia te ia e uiga i isi mea pe a i ai o ia i le fale i le taimi o malologa pupuu.

“Na te lei fai mai, ‘O a mai le volipolo?’ ae ‘O a mai oe? O fai ni au tatalo, malosi pea, toaga pea i le Lotu?’ Ou te matua talisapaia na fesili [e uiga] … i mea sa sili ona taua,” na toe manatua e Epikopo Waddell.

O le taulai atu i mea e sili ona taua na fesoasoani lea ia Epikopo Waddell e ola ai i mautauave e lua faaleaiga, “Toe foi atu ma le mamalu” ma le “Faalagolago i le Alii.” O lena faalagolago sa mafai ai ona ia taofia le volipolo ina ia auauna atu i se misiona. Ina ua uma ona ia toe foi mai mai lana misiona, sa mafai ona ia faaauauina se mafutaga mafana ma se tamaitai talavou mai se isi iunivesite. Mulimuli ane, ina ua uma ona la faaipoipo, o le faalagolago atu i le Alii na mafai ai e i laua ona faalogo i le Agaga pe a faia faaiuga e uiga i le siitia atu.

“E te faia mea i le ala a le Alii,” o lana tala lea, “ma o le a lelei mea uma.”

O le faalagolago i le Alii o le a faaauau pea ona faamanuiaina ai Epikopo Waddel, o le na auauna atu o se Fitugafulu o le Pulega Aoao talu mai Aperila 2011, ao lea ua avea nei o ia ma Fesoasoani Lua i le Au Epikopo Pulefaamalumalu.

Na soifua mai Wayne Christopher Waddell i Los Angeles, Kalefonia, i le 1959. Na faaipoipo atu o ia ia Carol Stansel ia Iulai 1984, i le Malumalu o Los Angeles Kalefonia. O i laua o ni matua o se fanau e toafa ma fanau a fanau e toatolu. Sa avea o ia ma se fesoasoani i le Au Peresitene o le Eria i Amerika i Saute Matusisifo ma o le a tumau ai pea i Peru mo se taimi puupuu.

Sa maua e Epikopo Waddell se faailoga o le tagata malaga i le 1984, mai le Iunivesite o le Setete o San Diego. Sa ia faia foi ni pepa postgraduate i le polokalama Executive MBA i le BYU. Na amata i le 1984, sa ia galue ma Merrill Lynch, lea na avea ai o ia ma uluai sui peresitene o teuga tupe.

Sa auauna atu Epikopo Waddell o se Fitugafulu Eria, peresitene o le Misiona a Sepania Paselona (lea sa avea muamua ai o ia ma se faifeautalai faamisiona talavou), peresitene o se siteki, fesoasoani i se au peresitene o se siteki, fesoasoani i se au peresitene o se misiona, epikopo, ma se fesoasoani i se au epikopo.