Elder L. Whitney Clayton

Peresitene Sinia o Fitugafulu

I lona laitiiti, sa aoaoina ai e Elder L. Whitney Clayton ia fiafia e galue ma alofa i le aiga. I vaveao uma o Aso Toonai, e aluese atu ai lona tama, o se fomai tipitipi, e auai i ona tiute faafomai. A o le’i alu ese atu o ia, na te tusia i luga o se laupapa se lisi o feau uma e tatau ona faia i lena aso. A foi mai o ia na te faatasi atu i ona atalii ma galulue soosootauau faatasi ma i latou. Mai lona tama, sa aoaoina ai e Elder Clayton se uiga faalegalue lea na faamanuiaina ai lona olaga.

Na iloa foi e le aiga o Elder Clayton o le ‘aiga o le afiafi o lona uiga o le taimi o le aiga. “Sa ma talanoa e uiga i tulaga faaupufai, i mea sa tutupu i le aoga, i le pitonuu, i le talalelei, ma le Ekalesia. … O se matagofie o se elemene o le tuputupu ae.” O talanoaga i taimi o taumafataga o se faiga na mulimuli i ai i laua ma lona toalua faatasi ai ma le la fanau.

Sa faaigoaina Elder Clayton o le Peresitene Sinia o Fitugafulu i le aso 6 o Oketopa, 2015. Ua suitulaga o ia ia Elder Ronald A. Rasband, lea na valaauina i le Korama a Aposetolo e Toasefululua.

Sa lagolagoina Elder Clayton o se Fitugafulu o le Pulega Aoao i le aso 31 o Mati, 2001. Na ia auauna atu o se uso o le Au Peresitene o Fitugafulu talu mai le 2008 ma sa i ai ni tiutetauave faasupavaisa mo eria i Iuta. Na ia fesoasoani ia Elder David A. Bednar o le Korama a Aposetolo e Toasefululua i le vaaiga o Eria i Aferika Sautesasae ma Aferika i Sisifo. Na ia auauna atu foi o se sui o le Komiti a le Va i Fafo. Na ia auauna atu o se fesoasoani i le Au Peresitene o le Eria o Saute Amerika i Saute i le 2002–2003, ma avea ma peresitene i le 2003–2006.

Na soifua mai i le Aai o Sate Leki, Iuta, ISA, i le 1950, na ia faaipoipo atu ia Kathy Ann Kipp i le 1973 i le Malumalu o Sate Leki. O i laua o ni matua o se fanau e toa 7 ma fanau a fanau e 20.

Sa maua e Elder Clayton se faailoga o le tagata malaga i mea tau tupe i le Iunivesite o Iuta ma se faailoga loia mai le Iunivesite o le Pasefika. Sa avea o ia ma se loia i Kalefonia, ISA, mai le 1981 i le 2001.

Sa ia auauna atu o se Fitugafulu Eria, sui risone, fesoasoani i le peresitene o le misiona, fautua maualuga, epikopo, peresitene o le misiona a le siteki, ma se faiaoga o Aoaoga Faavae o le Talalelei. Sa ia auauna atu o se faifeautalai faamisiona i Peru mai le 1970 i le 1971.