Mga Istorya sa Basahon ni Mormon
Ang Pamilya ni Nephi Mitabok sa Dagat
Ang pamilya ni Nephi mibiyahe sa kamingawan sulod sa walo ka tuig. Sa katapusan miabut sila sa usa ka matahum nga dapit. Duol kadto sa dagat, ug dunay daghang prutas ug dugos nga makaon. Nalipay kaayo ang tanan!
Apan ang ilang panaw wala pa mahuman. Ang Langitnong Amahan misugo kang Nephi nga maghimo og barko. Gipakita niya si Nephi kon unsay porma niini. Misaad Siya nga ang barko modala kanila ngadto sa usa ka maanindot nga bag-ong yuta.
Gihimo ni Nephi og una ang mga himan. Dayon gisugdan niya ang paghimo. Mireklamo ang mga igsoon ni Nephi nga si Laman ug Lemuel. Wala sila motuo nga makahimo siya og barko.
Nahibalo si Nephi nga ang ilang pamilya makasalig sa Langitnong Amahan.
Sa dihang ang barko nahuman, ang pamilya ni Nephi misugod sa ilang biyahe sa kadagatan. Usa ka adlaw si Laman ug Lemuel nasuko kang Nephi ug gigapos siya. Dakong unos ang miabut ug gihuros ang barko pabalik. Ang mga igsoon nagbasol, ug si Nephi migiya sa barko nga luwas sa ilang padulngan.
Sa katapusan ang pamilya ni Nephi midunggo sa baybayon sa usa ka bag-o nga yuta. Si Nephi ug ang iyang pamilya malipayon tungod kay nahibalo sila nga ang Langitnong Amahan midala kanila didto.
Ang Langitnong Amahan kanunayng motuman sa Iyang mga saad!