Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ehemplo.

“Ang Hingpit nga Kalipay sa Buhat sa Family History,” pahina 22: Si Elder Cook nagdapit kanato sa pagsugod sa buhat sa family history pinaagi sa pagpahigayon og usa ka “Family Tree Gathering.” Alang sa inyong family home evening, ikonsiderar ang paggamit sa FamilySearch.org aron sa pagrekord og mga impormasyon, mga istorya, ug mga litrato sa inyong pamilya. Si Elder Cook nagsaad nga “kon ikaw molantaw lapas sa mga higot sa panahon ug sa pagka-mortal ug pagtabang niadtong kinsa dili makatabang sa ilang mga kaugalingon, kamo mapanalanginan uban sa dugang nga kasuod ug hingpit nga kalipay diha sa inyong pamilya ug uban sa balaang proteksyon nakahatag niadtong kinsa matinud-anon sa Iyang pagserbisyo.”

Mga paghulagway pinaagi ni Andrew Bosley

“Bahandi sa Pagpamatuod,” pahina 70: Sa dihang si Sabrina nakaamgo nga ang iyang pagpamatuod usa ka bahandi, gusto niyang mopakigbahin niini sa tanan. Ikonsiderar ang pagtabang sa inyong pamilya sa pag-ila sa ilang kaugalingong “mga bahandi sa pagpamatuod” pinaagi sa paghisgut kon ngano nga sila nahigugma sa ebanghelyo ni Jesukristo, kon unsay ilang gibati niini, o sa unsang paagi kini magamit sa ilang pang-adlaw-adlaw nga kinabuhi. Mahimo nimong iparekord sa matag tawo ang iyang mga tubag niini nga mga pangutana pinaagi sa pagsulat niini o pinaagi sa paggamit og audio recorder. Ikonsiderar nga ang matag tawo mopili og usa ka tawo niining semanaha kinsa ilang mapaambitan sa ilang bahandi sa pagpamatuod.