Nganong Mahinungdanon ang Paggradwar sa Institute
Imong mapalambo ang pagkat-on sa ebanghelyo samtang motambong kamo sa upat ka bag-ong cornerstone institute classes.
“Unsay atong gikinahanglan karon mao ang labing maayong henerasyon sa mga young adult sa kasaysayan sa Simbahan,” matud ni Elder M. Russell Ballard sa Korum sa Napulog Duha ka mga Apostoles ngadto sa mga young adult sa kinatibuk-ang komperensya sa Abril 2015. “Mga young adults kinahanglan mo-enroll sa institute of religion. Ang mga klase sa Institute … mobalanse sa inyong kinabuhi ug modugang sa inyong edukasyon nga dili espirituhanon pinaagi sa paghatag kaninyo sa uban nga mga oportunidad sa paggahin og panahon sa pagtuon sa mga kasulatan ug mga pagtulun-an sa mga propeta ug mga apostoles.”1
Aron mapalawman pa ang panabut sa mga young adult sa ebanghelyo, palig-unon ang ilang mga pagpamatuod ug pasalig ngadto kang Jesukristo, ug makakaplag og personal nga giya alang sa ilang mga kinabuhi, ang programa sa institute mihatag og gibug-aton sa panginahanglan sa pagbayaw sa pagkat-on alang sa matag young adult. Kini nga paglambo mapakita sa dag-kong mga paagi: pinaagi sa pagtanyag sa upat ka bag-o nga cornerstone nga kurso ug pinaagi sa pagbutang og mas dakong importansya sa pagradwar sa institute, ug pinaagi sa pag-imbitar sa tanang estudyante nga mokuha og mas aktibo nga katungdanan sa ilang espirituhanon nga pagkat-on pinaagi sa pagkompleto sa gi-assign nga pagbasa ug mga assessment sa pagkat-on.
Unsa man ang upat ka mga bag-ong cornerstone classes?
Samtang ang klase sama sa Daang Tugon, Bag-ong Tugon, Basahon ni Mormon, ug ang Doktrina ug mga Pakigsaad padayon nga itanyag, upat ka bag-ong mga cornerstone classes karon magsilbing sentro nga gitutokan sa institute. Kini naglakip sa (1) Si Jesukristo ug ang Walay Katapusan nga Ebanghelyo, (2) Mga Pundasyon sa Pagpahiuli, (3) Ang Mahangturon nga Pamilya, ug (4) Mga Pagtulun-an ug mga Doktrina sa Basahon ni Mormon. Samtang ang ngalan nagpasabut, kining mga cornerstone classes may kalabut sa sukaranang mga doktrina, kasaysayan, ug mga pagtulun-an sa ebanghelyo, ingon nga makita diha sa mga kasulatan ug sa mga pulong sa buhing mga propeta.
“[Kining bag-ong cornerstone classes] mahimong mosangput ngadto sa mas halawom nga pagtuon sa kasulatan kay sa kurso sa halapad nga survey-type nga mga kurso sa nangagi,” miingon si Brent L. Top, dean sa religious education sa Brigham Young University. Si Chad Webb, ang tigdumala sa Seminaries and Institutes of Religion, midugang, “Ang mga kasulatan may kalabutan sa usag usa, ug samtang sila magdungan sa paglambo, adunay mga panglantaw ug panabut ug kalig-on nga moabut gikan sa pagtuon sa tanan nga sumbanan nga mga kasulatan.”2
Kining batan-ong babaye miuyon: “Naghunahuna ko kon unsa gayud kadako ang akong makat-unan kabahin sa Pagpahiuli nga wala pa nako masayri, apan akong nakita ang akong kaugalingon sa pagsabut sa mga baruganan nga wala pa nako masinati sukad pa. Ang kurso naglakip sa mga hilisgutan sama sa dinaghan nga kaminyoon, sa priesthood ngadto sa tanang takus nga mga lalaki, ug sa Mountain Meadows massacre. Kini nga mga hilisgutan naghatag kanako og impormasyon nga nakagamot diha sa hugot nga pagtuo kay sa pagduha-duha. Ang kurso usab naglambigit sa Pagpahiuli ngadto sa kasamtangang mga panghitabo, busa ako moangkon nga sa pagkatinuod usa ako ka tipik sa Pagpahiuli. Dili lang kini sa Propetang si Joseph Smith, si Presidente Brigham Young, ug uban nga mga pioneer. Ako usab!
Nganong kinahanglan man ko nga mohimo og tumong sa paggradwar sa institute?
Ania ang pipila ka gisulti sa ubang estudyante mahitungod sa paggradwar sa institute:
“Naghimo ko og tumong nga mogradwar sa institute, ug bisan og daghan ang akong gisakripisyo, nagantihan ko uban sa salabutan, kinaadman, ug usa ka mas lig-on nga pagpamatuod.”
“Human sa gradwasyon akong gibati nga mas nalig-on ug andam na alang sa bag-o nga mga kasinatian. Mo-awhag usab ko sa uban sa paggradwar.”
“Ang paggradwar mao ang usa ka espirituhanong kalampusan nga nakauswag nako paingon sa akong tumong sa mahangturong kaluwasan.”
Sa inyo usab nga pagpalambo sa inyong nakat-unan pinaagi sa pagpaningkamot nga makagradwar, kamo makat-on nga hatagan og prayoridad ang pagtuon sa ebanghelyo ug pagpalambo sa inyong mga pagka-eskolar sa ebanghelyo. Kamo makakita niini nga mga kamatuoran gisapid ngadto sa usa ka maanindot nga kurtina sa pagpamatuod. Human sa tanan, ang paggradwar sa institute mahitungod ra gayud sa inyong espirituhanon nga pagpalig-on.