Alang sa mga Miyembro nga Single Adult

Ania ang tulo ka mga mamumulong nga naghisgot kabahin sa pagka-single:

“Karon kabahin sa kahangturan. Dili lamang kini magsugod human sa atong kamatayon! Ang hugot nga pagtuo ug paglaum mobukas sa imong mga mata ngadto sa kalipay nga naa sa imong atubangan.” —Presidente Dieter F. Uchtdorf, “Usa ka Summer uban ni Tiya Rose,” 19.
“Laing kasakit mao ang kahimtang sa pagkadili minyo. Kadtong nag-antus niini nga kahimtang kinahanglang mahinumdom nga ang atong Manluluwas nakasinati usab niining matang sa sakit ug nga, pinaagi sa Iyang Pag-ula, Siya nagtanyag sa kalig-on aron mapas-an kini.” —Elder Dallin H. Oaks, “Nalig-on pinaagi sa Pag-ula ni Jesukristo,” 63.
“Pagmapailubon Paghulat sa Ginoo. Mopamatuod ko nga ang Ginoo nasayud sa inyong mga tinguha ug nahigugma kaninyo tungod sa inyong matinud-anong debosyon ngadto Kaniya. Siya dunay plano para ninyo, dinhi man niining kinabuhia o sa sunod. Paminaw sa Espiritu. … Niini nga kinabuhi o sa sunod, ang Iyang mga saad matuman.” —Elder Robert D. Hales, “Pagdawat ug Pagbuntog sa mga Hagit sa Kalibutan Karon,” 46.