Pagpahigayon og usa ka Maayong Panag-istoryahanay sa Grupo

Ni Dustin West

Mga Seminary ug Institute

Makahuluganon nga mga panaghisgutan sa ebanghelyo mahimong sama sa pagpahigayon og maanindot nga musika. Usa sa mahinungdanong tahas sa magtutudlo mao ang pagdumala sa mga panaghisgutan aron ang tigkat-on adunay oportunidad nga mobati sa Espiritu ug makadiskobre sa mga kamatuoran sa ilang kaugalingon.

Kon inyong giyahan ang usa ka panaghisgutan sa ebanghelyo, tingali makatabang ang pag-isip sa imong kaugalingon nga usa ka conductor sa usa ka orchestra. Kadtong inyong gitudloan dili ang mga tumatan-aw sa konsyerto. Sila anaa sa orchestra, naghimo sa ilang bahin aron makatukar og musika. Ang conductor makigtambayayong sa mga musikero, makatukar og labing maayo sa matag usa, ug magtabang sa ilang musika nga mahimong usa ka dinasig nga buhat sa arte.

Makahuluganon nga panaghisgut mahimong sama sa matahum nga musika. Usa ka maayo nga mga diskusyon moresulta sa usa ka lawom nga pagsabut sa mga doktrina sa ebanghelyo nga gihisgutan ingon man sa usa ka tim-os nga tinguha sa paggamit sa mga kamatuoran sa ebanghelyo.

Aniay pipila ka mga baruganan nga mopalambo sa panaghisgutan nga inyong gigiyahan:

Tudloi ang mga tawo, dili lang magtudlo sa mga leksyon. Kadtong imong gitudloan mahimong mas andam sa pag-apil sa panaghisgutan kon sila mobati nga kamo nagpakabana kanila kay sa maningkamot nga mahuman lang ang leksyon. Ang mga tigkat-on gusto nga mobati nga kamo nag-andam sa imong kaugalingon sa pagpalig-on ug pagpalambo sa ilang hugot nga pagtuo sa Ginoo, kay sa pag presentar lang sa mga kamatuoran. Ang mga tigkat-on kinsa mobati og gugma pinaagi sa ilang mga magtutudlo ug sa ubang sakop sa klase mahimong mas andam nga mopakigbahin og mga ideya ug mga kasinatian.

Pagdapit og inspirasyon. Ang panahon sa panagpundok mao ang oportunidad alang kanimo ug niadtong imong gitudloan aron madawat ang pagpadayag, dili lamang usa ka kahigayunan alang kanimo aron ipakigbahin ang unsay imong nahibaloan. Usa sa mahinungdanong tahas sa magtutudlo mao ang pagdumala sa mga panaghisgutan aron ang tigkat-on adunay oportunidad nga mobati sa Espiritu ug makadiskobre sa mga kamatuoran sa ilang kaugalingon. Kon nadawat ang pagpadayag, ang tanan nakadawat og kaayohan—mga magtutudlo ug tigkat-on—ug maglipay nga maghiusa (tan-awa sa D&P 50:22). Mahimo ninyong masayran nga ang inyong diskusyon nakapalig-on kon kamo nagkat-on gikan sa Espiritu ingon man usab sa pagtudlo pinaagi sa Espiritu.

Dapita ang tanan sa pag-apil. Ang pag-apil wala magpasabut nga ang tanan kinahanglan nga motubag og kusog sa pangutana. Ang pipila mas ganahan nga moapil pinaagi lang sa pagpaminaw o sa pagsulat. Ang uban andam sa pagpakigbahin sa ilang mga hunahuna hangtud nga sila adunay panahon sa pagpamalandong ug pagpangandam. Mahimo nimong kontakon og sayo ang pipila niadtong imong gitudloan ug hangyoon sila nga mangandam nga mopakigbahin sa ilang mga hunahuna sa usa ka partikular nga hilisgutan.

Adunay mga pipila ka laing mga paagi sa pagtabang sa mga tigkat-on nga moapil sa panaghisgutan. Sama pananglit, ikaw makahimo nga:

• Hangyoon sila sa pagpamalandong kon unsaon nila pagtubag ang pangutana sa dili pa nimo pangayoon ang mga tubag.

• Hangyoa sila nga isulat ang ilang mga tubag sa usa ka nga papel. Dayon mahimo nimo silang hangyoon sa pagpakigbahin sa ilang mga tubag ngadto sa uban.

• Dapita sila sa pagtubag sa mga pangutana sa tawo tupad nila o sa ginagmay nga grupo.

Usahay mahimong adunay miyembro sa grupo nga modominar sa hilisgutan. Kon kini mahitabo, mahimo nimong isulti nga, “Atong paminawon ang wala pa mipakigbahin.” Sa pipila ka mga sitwasyon mahimong istoryahan kini nga tawo sa pribado aron pasalamatan siya sa iyang pagpakigbahin ug ipasabut ang kaimportante sa pag-awhag sa uban nga mga partisipante sa pagpakigbahin.

Ayaw kahadlok sa kahilom. Ang kahilom, sama sa lunong [lull] sa inyong panaghisgutan, apan sa mga tigkat-on bililhon kini nga panahon sa pagpamalandong.

Pangutana og makahuluganon nga mga pangutana. Ipangutana kanang makadasig sa tigkat-on sa paghunahuna og maayo mahitungod sa kahulugan sa mga tudling sa kasulatan ug mga baruganan sa ebanghelyo. Samtang ikaw nag-andam sa imong leksyon, hunahunaa ang mga pangutana nga makatabang niadtong imong gitudloan nga makasabut ug makagamit sa mga kamatuoran nga ilang kat-unon. Pipila ka maayong pagkapangutana makahimo og dakong kalainan.

Paminaw og Maayo Ang mga magtutudlo kanunay mabalaka kaayo kon unsay sunod nilang isulti nga dili na sila maminaw og maayo sa mga komentaryo. Kon sinsero ka nga naminaw niadtong imong gitudloan, mobati sila nga dunay bili ug mas ganahan moapil. Presidente Thomas S. Monson “[Ang matag usa] adunay sugilanon. Ang pagpaminaw importanting elemento samtang kita motudlo ug magkat-on” (“Mga Ehemplo sa Banggiitan nga mga Magtutudlo,” Liahona, Hunyo 2007, 76).

Pangutana og follow-up nga mga pangutana. Kon ang tigkat-on mopakigbahin og mga ideya ug mga kasinatian, tingali imong mabati nga aduna pa silay dugang nga ipakigbahin. Hunahunaa ang pagpangutana og follow-up nga mga pangutana sama niini: Unsa man ang importante alang kaninyo? Kanus-a ninyo nakita kini sa inyong kinabuhi? Unsay kahulugan niini alang kanato karon? Kinsa pa man ang dunay ikasulti mahitungod niini? Kinsa may adunay hunahuna kalabut sa diskusyon nga gusto nilang ipakigbahin? Unsa ang ubang mga tudling sa kasulatan nga nagtudlo niini nga kamatuoran?

Ilha ang mga tubag. Kon ang usa ka tawo naghatag og tubag, kini kinahanglan nga ilhon sa pipila ka mga paagi. Matuman kini pinaagi sa mapasalamaton nga mga komentaryo bahin sa mga tubag o pinaagi sa pagpangutana og follow-up nga pangutana.

Ipabilin nga lunsay [pure] ang doktrina. Hinumdumi nga ang nag-unang tumong sa pagtudlo sa ebanghelyo dili lang aron dunay maayong mga panaghisgutan. Hinoon, mao ang pagkat-on sa mga doktrina aron ang atong mga kasingkasing mausab ug kita makabig. Atol sa panaghisgutan, kabahin sa imong responsibilidad mao ang pagsiguro nga tinuod nga doktrina mao ang matudlo.

Kon ang usa ka tawo mopakigbahin og sayop nga doktrina, aduna kay responsibilidad nga isulti ang husto nga doktrina. Mahimo nimong basihan ang husto nga bahin sa mga tubag, pagpakigbahin og mga kasulatan o mga pagtulun-an gikan sa kinatibuk-ang komperensya, o ihatag ang imong pagpamatuod.

Ang paggamit niini nga mga ideya, makabaton kanimo og pipila ka talagsaong mga panaghisgutan sa ebanghelyo. Ayaw gamita ang panaghisgutan aron lang sa pagpalabay sa oras. Makagiya ka og mga epektibo nga mga panaghisgutan aron ang mga tigkat-on makadawat og personal nga pagpadayag, mapalambo ang panaghiusa sa usag usa, ug mapalawman ang ilang panabut sa ebanghelyo ni Jesukristo.

Ngadto sa mga Magtutudlo “Mapaigo ba Nako Kining Tanan?”

Ang mga materyal sa leksyon, ang mga kapitulo sa kasulatan, ang mga panabut nga imong naangkon samtang ikaw nagtuon—maayo kaayo ang tanan, apan imong oras sa pagtuon sa kasagaran dili masubli sa gitakda nga panahon. Imong tahas dili ang pagpakigbahin sa tanan nimong nakat-unan apan sa pagdumala sa oras sa klase sa paagi nga ang mga tigkat-on mismo ang makadiskobre sa mga kamatuoran—sama sa imong kaugalingong pagpangandam sa imong kaugalingon. Pag-ampo alang sa panabang, ug ang Espiritu Santo motudlo kanimo kon unsa ang imong tutukan. Samtang imong gitutukan ang pipila ka mga kamatuoran, mahimo nimong itugot ang pipila ka mga hilisgutan nga madulot ngadto sa mga kasingkasing niadtong imong gitudloan.

Ngadto sa Tigkat-on Ang Imong Komentaryo Mahinungdanon

Ang pagbaton og maayong panaghisgutan mahitungod sa ebanghelyo mao ang usa ka responsibilidad nga imong ipakigbahin uban sa mga magtutudlo. Ania ang pipila ka sitwasyon nga mahimong imong gihunahuna:

Aduna koy ikasulti, apan ang akong magtutudlo wala mangayo og mga komentaryo. Kinahanglan ba nga akong baldahon?

Tingali imong hulaton ang tukmang higayon nga makuha ang pagtagad sa magtutudlo ug mosinyas nga kamo andam sa pagsalmot. Kon kamo mobati og kadasig sa pagpakigbahin, buhata ang tanan nga molihok niana nga pag-aghat.

Dili ko sigurado nga ang akong mga komentaryo bililhon, mao nga kinahanglan ba nakong ipataas ang akong kamot?

Kamo adunay usa ka panglantaw ug mga kasinatian nga mahimong wala sa uban. Samtang ikaw nangandam alang sa klase, makaangkon ka og personal nga mga ideya nga mahimong panalangin ngadto sa ubang mga tigkat-on.

Si Elder Richard G. Scott (1928–2015) sa Korum sa Napulog Duha ka mga Apostoles mitudlo nga kon kita mopataas sa atong mga kamot atol sa usa ka panaghisgutan sa ebanghelyo, kita “mipaila ngadto sa Espiritu Santo sa [atong] kaandam sa pagkat-on.” Busa kon ang inyong komentaryo tukma sa hilisgutan ug gitugot sa oras, mahimo kamong mopakigbahin niini. Si Elder Scott mipasabut, “ang Pag-apil nagtugot sa mga indibidwal sa pagsinati nga gigiyahan sa Espiritu” (“To Learn and to Teach More Effectively” [Brigham Young University Education Week devotional, Aug. 21, 2007], 5, speeches.byu.edu).

Nahadlok ko nga mamulong atubangan sa daghan kaayong mga tawo. Unsa man ang akong buhaton?”

Samtang magbuhat kamo sa pagbuntog niini nga kahadlok, kamo tingali magsugod og gamay. Sulayi ang pagboluntaryo sa pagbasa sa kasulatan o sa usa ka kinutlo. Dayon pangita og mga oportunidad sa pagtubag sa mga pangutana o pagpakigbahin sa mga ideya. Samtang inyong gipakita ang inyong kaandam sa pag-apil, kamo mapanalanginan uban sa kaisug sa pagsulti ug sa mga pulong nga isulti. Kon kita “moabli [atong] mga ba-ba,” atong makita nga “kini mahimo nga mapuno” (D&P 33:10).

Kon sayon ra nimo ang pagkomentaryo, mahimo nimong pangutan-on ang imong kaugalingon kon, imbis sa pagpakigbahin sa imong kaugalingong mga hunahuna pag-usab, adunay paagi nga imong maawhag ang usa sa imong isigka tigkat-on nga mokomentaryo.