Stap Folem Ol Profet mo Ol Aposol
God i singaotem ol profet mo ol aposol blong tijim yumi wanem we God i wantem yumi blong save. Insaed long ol skripja, yumi save ridim abaot ol profet olsem Noa, Nifae, mo Josef Smit, mo ol aposol olsem Pita mo Pol. !Yumi gat ol profet mo ol aposol tedei!
?Wanem hem i wan “profet, sia mo reveleta?”
Wan profet i toktok long bihaf blong God.
Wan sia i save luk ol samting we oli blong bifo, blong tedei mo blong fiuja.
Wan reveleta i talemaot (o soemaot) long yumi wanem nao hem i tingting blong God.
-
Ol memba blong Fas Presidensi, evriwan oli ol profet, sia mo reveleta. I semmak long evri Aposol.
-
Presiden blong Jos nomo i gat atoriti ia we i kam long God blong lidim ful Jos.
-
?Hamas profet, sia mo reveleta we oli stap laef we yumi gat tedei?
12 15 3 1
Ansa: 15
?From wanem hem i impoten blong folem profet?
Wan profet i olsem wan we i stap long taoa mo i stap waj (luk long pej 38). Hem i save luk denja we i stap kam mo i stap talem long yumi olsem wanem blong stap sef. Hem i helpem yumi blong folem Jisas Kraes.
?Wanem nao profet blong yumi i askem yumi blong mekem?
Profet blong yumi tedei i Presiden Tomas S. Monson. Hemia sam long ol samting we hem i askem yumi blong mekem.
-
Folem eksampol blong Jisas mo lav we Hem i gat long evriwan.
-
Pem taeting mo givim mane long misinari basket.
-
Stap longwe long ol nogud muvi, TV, mo ol nara media.
-
Putum wan pikja blong tempol long evri bedrum.
-
Stadi long ol toktok blong ol jenerol konfrens.
-
Visitim olgeta we oli olfala, mo stap olsem wan gud neiba.
Jusum wan samting long lis ia we yu save mekem long manis ia. ?Wanem nao yu save mekem?