Visiting Tijing Mesej
Ol Gel blong Papa blong Yumi we I No Save Finis
Stadi long toktok ia wetem prea mo luklukgud blong save wanem blong serem. ?Olsem wanem nao taem yu andastandem “Famle: Wan ofisol toktok i go long wol” i leftemap fet blong yu long God mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org.
Fet, Famli, Help
Ol skripja oli tijim yumi se “yumi pikinini blong God” (Ol Wok 17:29). God i singaot long Ema Smit, waef blong Profet Josef Smit olsem, “gel blong mi” (luk long D&C 25:1). Famli ofisiol toktoki tijim yumi se yumi “ol spirit pikinini gel blong wan papa mo mama we tufala i lavem yumi.”1
“Long laef blong yumi bifo laef long wol ia, yumi bin lanem abaot aedentiti blong yumi we i no save finis olsem woman,” Karol M. Stifens, fas kaonsela long Rilif Sosaeti jeneral presidensi i talem.
“Laef blong yumi long wol ia i no jenisim ol trutok ia.”2
“Papa blong yu we i stap long Heven i save nem blong yu, mo i save situesen blong yu,” Elda Jefri R. Holan blong Kworom blong Olgeta Twelef Aposol i talem. “Hem i stap harem ol prea blong yu. Hem i save ol hop mo ol drim blong yu, wetem tu ol fraet mo ol tingting blong yu we i fasfas.”3
“Wanwan long yumi i blong wan famli blong God, mo oli nidim yumi long famli ia,” Sista Stifens i talem. “Ol famli we oli stap long wol oli luk defdefren. Mo taem we yumi stap mekem bes blong yumi blong krietem ol tradisonol famli, membasip blong yumi insaed long famli blong God i no dipen long eni kaen wei blong laef we yumi stap long hem—long saed blong mared, sapos yumi papa o mama, long saed blong mane, ples long sosaeti, o iven kaen toktok we yumi stap putum long sosol media.”4
Sam Moa Skripja
I Kamaot long Histri blong Yumi
Long stori blong hem abaot Fas Visen,5 Profet Josef Smit i konfemem plante trutok—wetem hemia tu we Papa blong yumi long Heven i save nem blong yumi.
Yangfala Josef i traehad blong save se wijwan jos blong joenem mo i faenem wan help long Jemes 1:5 Josef i luk se bae hem i mas askem long God.
Wan moning, long Spring taem long yia 1820, hem i go long ol bus blong prea, be wantaem nomo sam kaen dak paoa i kavremap hem. Abaot hemia, hem i raetem se
“Stret long taem blong bigfala fraet ia, hem i bin luk wan bigfala laet i saen antap i kam daon, stret antap long hed blong hem; mo laet ia i saen bitim san, mo hem i saen i kam daon gogo, i kasem hem.
“I no longtaem afta, mi kam fri long enemi ia we i bin holemtaet mi. Taem laet i bin stap antap long hem, hem i bin luk tu Man, we i no gat wan toktok we i save tokbaot laet mo glori blong Tufala, mo Tufala i stap flot nomo long ea antap long hem. Wan long Tufala i toktok long hem, i singaotem nem blong hem, mo talem wetem fingga blong Hem i poenem narawan—Hem, Hem i Pikinini blong Mi we Mi Lavem Tumas. !Lisin gud long hem!” Testemoni blong Josef Smit, 32667 852, pej 2.