?Wanem Nao Ol Aposol Oli Mekem?

I Kam long Elda Deved A. Bedna

Blong Kworom blong Olgeta Twelef Aposol

I kamaot long Fes tu Fes Wol Brodkas blong Elda mo Sista Bedna

Ol Aposol oli ol wokman blong Lod. Oli travel blong visitim ol memba blong Jos raon long wol.

Fas taem we mi travel olsem wan Aposol, mi bin mitim wan man we i gat hadtaem blong laef folem Tok blong Waes. Mi talem long hem: “Lod i sendem mi long ples ia blong givim yu wan simpol mesej nomo: ‘Yu save mekem hemia. Mi promesem yu, se bae yu gat help blong Hem taem yu fesem jalenj ia.’”

?Bae Lod i save sendem wan long olgeta Twelef Aposol blong Hem i go raon long wol blong helpem wan man nomo? Ansa hem i, yes. Hem i mekem hemia evri taem.