Mulimuli i Perofeta ma Aposetolo
Ua valaau e le Atua ia perofeta ma aposetolo e aoao i tatou i mea e finagalo le Atua tatou te iloa. I tusitusiga paia, e mafai ona tatou faitau ai e uiga i perofeta e pei o Noa, Nifae, ma Iosefa Samita, ma aposetolo e pei o Peteru ma Paulo. Ua i ai a tatou perofeta ma aposetolo i aso nei!
O le a le “perofeta, tagatavaai, ma le talifaaaliga”?
O se perofeta e saunoa mo le Atua.
O se tagatavaai e mafai ona iloa le taimi ua tuanai, le taimi nei, ma le lumanai.
O se talifaaaliga e faaalia mai (pe faailoa) mai ia i tatou le finagalo o le Atua.
-
O sui uma o le Au Peresitene Sili o ni perofeta, tagatavaai, ma talifaaaliga. E faapena foi i Aposetolo uma.
-
E na o le Peresitene o le Ekalesia ua i ai le pule mai le Atua e taitai ai le Ekalesia atoa.
-
E toafia faatasi a tatou perofeta soifua, tagatavaai ma talifaaaliga o loo i ai?
12 15 3 1
Tali: 15
Aisea e taua ai le mulimuli i le perofeta?
O se perofeta e pei o se tagata e vaavaai mai i se olo (tagai foi i le itulau 38). E mafai ona ia iloa mea matautia o agai mai ma tau mai ia i tatou auala e saogalemu ai. E fesoasoani o ia ia i tatou e mulimuli ia Iesu Keriso.
O le a se mea ua saunoa mai lo tatou perofeta tatou te faia?
O lo tatou perofeta i le asō o Peresitene Thomas S. Monson. O nisi nei o mea ua ia saunoa mai ia tatou faia.
-
Mulimuli i faataitaiga a Iesu ma le alofa i tagata uma.
-
Totogi sefuluai ma foai atu i le tupe mo faifeautalai.
-
Ia taumamao mai ata tifaga leaga, televise, ma isi ala o faasalalauga.
-
Tuu se ata o le malumalu i potumoe uma.
-
Suesue i lauga o le konafesi aoao.
-
Asiasi i tagata matutua ma ia avea ma se tuaoi lelei.
Filifili se mea se tasi mai le lisi e mafai ona e faia i le masina lenei. O le a se mea o le a e faia? ◼