Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O se faataitaiga nei se tasi.
“E Tusa Lava Pe E te Matamuli,” itulau e 60: E mafai ona e faaaogaina le tou afiafi faaleaiga e faasoa atu ai le talalelei! Ia talanoa o se aiga po o a ni popolega e faafaigata ai ona e faasoa atu le talalelei. E mafai ona outou tatalo o se aiga ina ia fesoasoani le Alii ia e lagona le toa i le faasoaina atu o le talalelei, ona tatalo lea po o ai e mafai ona outou valaaulia i le afiafi faaleaiga. Mafaufau e valaaulia tagata taitoatasi o le aiga e tuuina atu molimau i le taimi o le lesona. Atonu e te filifili e aoao atu se lesona e uiga i le Toefuataiga po o le ata o le faaolataga. Mafaufau e faamaumau ou aafiaga ma lagona i au api talaaga.