O Tali mai se Aposetolo

O A Mea a Aposetolo e Fai?

Saunia e Elder David A. Bednar

O le Korama a Aposetolo e Toasefululua

Mai le faasalalauga i le lalolagi atoa Faafesagai ma Elder ma Sister Bednar.

O aposetolo o auauna a le Alii. Latou te malaga e asiasi i tagata o le Ekalesia i le lalolagi atoa.

O le taimi muamua sa ou malaga ai o se Aposetolo, sa ou feiloai ai i se alii o le sa faigata ia te ia ona ola i le Upu o le Poto. Sa ou fai atu ia te ia, “Na auina mai au e le Alii iinei e avatu se savali faigofie lava ia te oe: ‘E mafai ona e faia lenei mea. Ou te folafola atu o le a e maua Lana fesoasoani ao e feagai ma lenei luitau.’”

Faamata e auina atu e le alii se tasi o Aposetolo e Toasefululua i le afa o le salafa o le lalolagi e fesoasoani i se tagata na o se toatasi? O le tali o le ioe. Na te faia i taimi uma lava.

O le a se Aposetolo?

Ao i ai Iesu i le lalolagi, sa Ia valaauina ni tamalii se toa 12 e avea ma Ona fesoasoani faapitoa. Na taua i latou o Aposetolo. Ua Ia valaauina Aposetolo e avea ma Ona fesoasoani faapitoa i le taimi nei. Latou te molimau atu e uiga ia Iesu Keriso i le lalolagi atoa. O Elder Bednar o se Aposetolo.