Sa Fetalai mai le Tama Faalelagi ia te Au e ala i se Lauga o le Konafesi

Saunia e Anne Laleska Alves de Souza

E alala le tusitala i Sergipe, Pasila.

Sa i ai ni ou faaluafesasi i mea e tatau ona ou suesue ai i le iunivesite. O le tele o tagata sa le lelei a latou tala na fai mai e uiga i le kosi sa ou manao e ave, o lea na ou tatalo ai i le Alii e vaai pe sa ioe o Ia i lau filifiliga.

Na oo mai lau tali i le aso na sosoo ai ao ou faitau i se lauga o le konafesi aoao i le Liahona. Sa ou lagonaina na pei na fetalai mai le Tama Faalelagi ia te au e le mafai ona Ia filifili mo au—o le faaiuga lenei e tatau ona ou faia toatasi. Sa ou iloaina e tusa lava po o le a le mea na ou filifilia, o le a tatau ona ou galue malosi ina ia faamanuiaina ai.

Ou te iloa sa tali mai lau tatalo. O le faamaoniga a le Agaga Paia na fesoasoani ia te au e faia ai se faaiuga. Ua ou aoaoina e tuuina atu au taumafaiga sili ona lelei ma iloa o le a fesoasoani mai le Tama Faalelagi ia te au.