O La Tatou Itulau
Sa lelei lava ou lagona i le taimi o lou papatisoga. Sa fai si ou faafefefefe laitiiti i le amataga, ae ina ua ou alu atu i le vai, sa tea ese le fefe. Sa ou lagona le matuai saogalemu i totonu o le faatanoa vai papatisoga. Sa ou lagona le fiafia tele ona sa ou faia se filifiliga e papatiso. Ou te iloa o le Ekalesia a Iesu Keriso o le Au Paia o Aso e Gata Ai e moni ma o loo i ai se Atua soifua.
Neyliana V., 8 tausaga, Pasila
Sa matou o atu ma lou aiga i le malumalu, ma ua ou iloa o le malumalu o le maota moni lea a Iesu Keriso.
Helam A., 5 tausaga, o Peru
O Le Foafoaga
I le amiotonu, sa foafoaina ai e le Tama Faalelagi lenei lalolagi tiotio.
Na Ia aumaia le malamalama i le pouliuli ma fai le ea, sami, ma laueleele.
Ma le anoanoai o mea ma vaitau fesuisuiai e faaopoopo atu i le naunau fiafia mai.
Na i ai le la, le masina, ma fetu, ma manuvaefa ia i ai faatasi ma i tatou.
Ona foafoaina ai lea o le tagata e pulea lenei lalolagi.
Ua mafai nei ona malolo le Tama Faalelagi.
I le aso paia tatou te aoao ai le tele o mea e uiga i nei upumoni.
C. Ling-yao, 10 tausaga, Taiuani
E talanoa mai lou tama ma lou tina ia i matou e uiga i le malumalu. La te faaali mai se ata o le malumalu ma molimau mai i ona faamanuiaga e faavavau.
Tresor I., 7 tausaga, Congo