Ua Aoao Mai e Alema le Auala e Tatalo Ai

Sa o atu Alema le Itiiti ma isi e aoao atu i le au sa Sorama. Sa masani ona talitonu sa Sorama i le Tama Faalelagi, ae [latou] te lei toe tausia Ana poloaiga. Latou te lei talitonu ia Iesu.

Ma sa latou le manatuaina le auala sao e tatalo ai.

E faatasi i le vaiaso ona auauai sa Sorama e tatalo. Latou te feaei i luga o se tulaga maualuga lava. E sisii maualuga o latou lima. Ona latou faafetai lea i le Tama Faalelagi ona sa sili atu lo latou faapitoa nai lo isi tagata. E fai e tagata uma taitasi lena lava tatalo e tasi.

E pau le taimi e tatalo ai sa Sorama o le taimi e feaei ai i luga o le tulaga. Latou te lei mafaufau i le Tama Faalelagi pe tatalo atu ia te Ia i le fale po o se isi lava mea.

Sa aoao e Alema ia tagata e mafai ona latou tatalo i soo se taimi. E mafai ona latou tatalo i le fale, i fanua, po o i le vaomatua. Sa ia aoao atu e mafai ona latou tatalo e uiga i soo se mea ma o le a fesoasoani le Tama Faalelagi ia i latou.

E mafai ona tatou tatalo i le auala na aoao mai e Alema. E mafai ona tatou tatalo i soo se taimi ma i soo se nofoaga. E mafai foi ona tatou tatalo le leoa i o tatou loto. O le a faafofoga mai le Tama Faalelagi ia i tatou i taimi uma!