O Tamaiti e Tutu Maualuluga
Tu mo le Mea Tonu
Talofa, o a’u o Eveni! Ou te nofo i Aialani, ma ou te fiafia e taalo i se taaloga e tau o le sasau. O se taaloga faaAialani e tai pei lava o le hoki i le malae. O le mataupu e sili ona ou fiafia i ai o le matematika. O le avea ma se tagata o Le Ekalesia a Iesu Keriso o le Au Paia o Aso e Gata Ai o se faamanuiaga ia te au.
Tu Maualuga i le Aoga
Sa saua se tamaitiiti fou i le aoga i ou tuafafine. Sa ou tu atu i lo latou va e puipui ou tuafafine. Ou te usitai foi i le Upu o le Poto. O le toatele o tamaiti i le aoga e inu lauti ma kofe. A ofo mai e se tasi ia te au le lauti, ou te fai atu, “Leai, faafetai.”
Tatalo faatasi ma Uo
Ou te aoga i se aoga Katoliko. E nao i matou ma ou tuafafine ia tamaiti aoga o ni tagata o le Ekalesia a Iesu Keriso o le Au Paia o Aso e Gata Ai. Ina ua mai lou tinamatua, sa ou talosaga i lou faiaoga pe mafai ona ou faia se tatalo mo ia. Sa piilima ma punonou ulu o tagata uma o le vasega. Sa ou faia leotele se tatalo i luma o le vasega.
Avea ma se Faataitaiga
E iloa e au uo i le aoga ou te fiafia. Ou te faia se faataitaiga lelei e ala i le le palauvale pe tau fua le suafa o le Alii. E mafai foi ona fai au ma se faataitaiga i lou aiga.
O Le Tuagane Matua Sili ona Lelei
Ou te faia ni sini ia faia pea le mea sao. Ou te fesoasoani i ou matua e vaai ou tuafafine. A fefefe ou tuafafine, matou te taaalo seia oo ina galo lo latou fefefe. Ao o ese ou matua i se tasi o taimi, sa ou faamatala atu ai i lou tuafafine ni tala seia oo ina moe o ia.