O Le Ofutau Atoatoa o le Atua

Ua aoao mai tusitusiga paia e tatau ona tatou oofu i le “ofutau atoatoa” o le Atua (tagai Efeso 6:11–18 ma le MF&F 27:15–18). A tatou aoao i tusitusiga paia ma tatalo, e pei o loo tatou faamauluina le ofutau e fesoasoani e puipui saogalemu i tatou.

O le a se mea e mafai ona e faia i aso uma ia saogalemu ma fiafia ai lou agaga?

Pulou o le Faaolataga

O se pulou e puipui ai le ulu. Tatou te tausisia le soagalemu o o tatou mafaufau pe a tatou mulimuli ia Iesu ma fai mea e finagalo o Ia tatou te faia.

Talipupuni o le Faatuatua

O le faatuatua ia Iesu Keriso e pei o se talipupuni o le puipuiga. A tatou talitonu ia Iesu ma taumafai e pei o Ia, e mafai ona tatou faia filifiliga lelei, e tusa lava pe faigata ia mea.

Fusi o le Faamaoni

O se fusi o se fusipau e fesoasoani e puipuia le tino o se fitafita. O le iloa o le mea moni e puipuia ai i tatou. E moni le talalelei, ma o le ola ai i le talalelei e faamalosia i tatou.

Ufifatafata o le Amiotonu

O le ufifatafata e puipuia le fatu. A tatou alolofa i le Atua ma o tatou loto atoa, tatou te taumafai e tausi Ana poloaiga. E faamanuiaina i tatou pe a tatou filifilia le mea sao.

Seevae o le Sauniuniga o le Filemu

O seevae e puipuia vae. Tatou te taumafai e mulimuli i tulagaaao o Iesu Keriso ina ia mafai ona tatou nonofo faatasi ma Ia i se aso.

Pelu o le Agaga

O se pelu e fesoasoani e tau faasaga ai i le sese. E fesoasoani le Agaga ia i tatou pe a tatou feagai ma mea leaga po o mea faigata. O le faalogo i le Agaga e fesoasoani tatou te tumau ai i le saogalemu.