Mga Bata Kinsa Nagbarug nga Masaligon
Barugan ang Matarung
Hi, Ako si Evan! Nagpuyo ko sa Ireland, ug ganahan ko nga magdula sa gitawag og hurling. Usa kini ka sport sa Ireland sa field hockey. Ang paborito nakong subject mao ang math. Ang akong pagkamiyembro sa Simbahan ni Jesukristo sa mga Santos sa Ulahing mga Adlaw usa ka panalangin kanako.
Pagbarug nga Masaligon sa Eskwelahan
Usa ka bag-ong batang lalaki mibugal-bugal sa akong mga igsoong babaye. Gipatung-an nako sila ug gipanalipdan ang akong mga igsoon. Gituman sab nako ang Pulong sa Kaalam. Daghang estudyante sa eskwelahan moinom og tsa ug kape. Dihang dunay mihatag nako og tsa, ako miingon, “Dili, salamat.”
Pag-ampo kauban sa mga Higala
Nag-eskwela ko sa usa ka Katoliko nga eskwelahan. Ako ra ug ang akong mga igsoong babaye ang estudyante nga miyembro sa Simbahan ni Jesukristo sa mga Santos sa Ulahing mga Adlaw. Dihang nasakit ang akong lola, mihangyo ko sa akong teacher kon mahimo ba kong mag-ampo para niya. Ang tanan sa klase mikyugpos sa ilang mga kamot ug miduko sa ilang mga ulo. Nag-ampo ko og kusog atubangan sa klase.
Pagkahimong usa ka Ehemplo
Nakita sa akong mga higala sa eskwelahan nga malipayon ko. Mipakita kog maayong ehemplo pinaagi sa dili pagpamalikas o paggamit sa ngalan sa Ginoo sa walay kapuslanan. Mahimo sab kong ehemplo sa akong pamilya.
Ang Pinakamaayong Big Brother
Mihimo kog mga tumong nga ipadayon ang paghimo sa husto. Motabang ko sa akong mga ginikanan sa pag-atiman sa akong igsoon. Kon mahadlok ang akong igsoon, makigdula ko nila hangtud nga makalimot sila sa ilang kahadlok. Usa ka higayon dihang naa sa layo ang akong mga ginikanan, gisuginlan nako ang akong igsoon og mga istorya hangtud nga nakatulog siya.