Si Alma Nagtudlo kon Unsaon sa Pag-ampo

Si Alma nga Batan-on mikuyog sa uban aron sa pagtudlo sa mga Zoramites. Ang mga Zoramites kanhi nagtuo sa Langitnong Amahan, apan wala na maghupot sa Iyang mga kasugoan. Wala sila mituo ni Jesus.

Ug wala sila mahinumdum sa hustong paagi sa pag-ampo.

Kausa sa usa ka semana, ang mga Zoramites magpuli-puli sa pag-ampo. Manungtong sa entablado. Gipataas nila ang ilang mga kamot. Dayon pasalamatan nila ang Langitnong Amahan nga sila mas espesyal kay sa ubang mga tawo. Kada tawo mosulti sa samang pag-ampo.

Ang mga Zoramites nag-ampo lang kon sila motungtong na sa entablado. Dili na nila hunahunaon ang mahitungod sa Langitnong Amahan o mag-ampo ngadto Kaniya diha sa balay o bisan asang dapit.

Si Alma mitudlo sa mga tawo nga mahimo silang mag-ampo bisan unsang panahon. Mahimo silang mag-ampo sa balay, diha sa ilang mga nataran, o diha sa kamingawan. Mitudlo siya nga maka-ampo sila mahitungod sa bisan unsang butang ug ang Langitnong Amahan makatabang kanila.

Maka-ampo kita sa paagi nga gitudlo ni Alma. Maka-ampo kita bisan unsang panahona ug bisan asang dapit. Maka-ampo kita sa hilum nga paagi diha sa atong kasingkasing. Ang Langitnong Amahan kanunay nga modungog kanato!