Ang Tibuok Taming sa Dios

Ang mga kasulatan nagtudlo nga kinahanglan atong isul-ob ang “tibuok hinagiban sa Dios” (tan-awa sa Mga Taga-Efeso 6:11–18 ug D&P 27:15–18). Kon atong tun-an ang mga kasulatan ug mag-ampo, sama ra nga atong gisul-ob ang hinagiban nga makatabang nato nga magpabiling luwas.

Unsay inyong buhaton kada adlaw aron magpabilin ang inyong espiritu nga luwas ug malipayon?

Kalo nga Puthaw sa Kaluwasan

Ang usa ka helmet manalipud sa ulo. Atong mapabilin ang atong mga hunahuna nga luwas kon kita mosunod ni Jesus ug mobuhat sa unsay Iyang gusto nga atong buhaton.

Taming sa Hugot nga Pagtuo

Ang hugot nga pagtuo kang Jesukristo sama sa usa ka taming sa pagpanalipud. Kon kita motuo ni Jesus ug maningkamot aron mahimong sama Kaniya, makahimo kita og maayo nga mga pagpili, bisan sa mga kalisud.

Bakus sa Kamatuoran

Ang girdle mao ang bakus nga manalipod sa lawas sa sundalo. Ang pagkasayud unsay tinuod makapanalipod kanato. Ang ebanghelyo mao ang matuod, ug ang pagpakabuhi sa ebanghelyo makapalig-on kanato.

Taming sa Katarung

Ang taming nanalipod sa kasingkasing Kon higugmaon nato ang Dios sa tibuok natong kasingkasing, maningkamot kita sa pagsunod sa Iyang mga sugo. Mapanalanginan kita kon atong pilion ang husto.

Sapatos sa Pagpangandam sa Kalinaw

Ang sapatos manalipod sa tiil. Maningkamot kita sa pagsunod sa mga lakang ni Jesukristo aron makapuyo kita uban Kaniya ugma damlag.

Espada sa Espiritu

Ang espada makatabang sa pagpakigbatok sa sayop. Ang Espiritu magtabang kanato kon nag-atubang kita sa bati o malisud nga mga butang. Ang pagpaminaw ngadto sa Espiritu makatabang kanato nga magpabilin nga luwas.