Ko hono Fakahaaʻi ʻo e ʻOfá

Naʻe vahevahe ʻe Sīsū ha talanoa ʻo ha tamai mo hano ongo foha. Naʻe ngāue ʻa e tamaí ʻi ha ngoue vaine pea naʻá ne kole ki hono ongo fohá ke na tokoni. Naʻe ʻuluaki tali ʻikai ʻa e foha ʻuluakí ka naʻá ne toe ʻalu pē ke tokoni ʻi he ngoue vainé. Naʻe pehē ʻe he foha fika uá te ne tokoni, ka naʻe ʻikai ke ne teitei fai ia. Naʻe akoʻi ʻe Sīsū naʻe fakahaaʻi ʻe he foha ʻuluakí ʻa e ʻofa lahi ange ki heʻene tamaí ʻi heʻene talangofuá.

Fakatātaaʻi ʻa e talanoa ko ʻení! Hili iá peá ke tohi pe tā fakatātaaʻi ha meʻa ʻe tolu te ke lava ʻo fai ke fakahaaʻi ai hoʻo ʻofa ki he Tamai Hēvaní.