Meʻa Mahuʻinga Fakatokāteline

Fakalelei ʻa Sīsū Kalaisí

Christ in Gethsemane

Toʻohemá: Kalaisi ʻi Ketisemani, tā ʻe Harry Anderson; toʻomataʻú: Ko e Tauhi-Sipi Leleí, tā ʻe Del Parson

ʻEletā Dale G. Renlund ʻo e Kōlomu ʻo e Kau ʻAposetolo ʻe Toko Hongofulu Mā Uá, “Ke u Tohoakiʻi ʻa e Kakai Fulipē Kiate Au,” Liahona, Mē 2016, 42.

Te u lava ʻo fakamamafaʻi he ʻikai ha filifilimānako ʻi he tafaʻaki taʻengatá koeʻuhí ko e Fakalelei ʻa Sīsū Kalaisí. ʻʻE lava ke fakaleleiʻi ʻa e ngaahi meʻa kotoa pē ʻoku taʻefakafiemālie ʻi he moʻui ní’ [Malangaʻaki ʻeku Ongoongoleleí, 59]. Mahalo naʻa ʻikai liliu hotau tuʻunga lolotongá, ka ʻi he manavaʻofa, angaʻofa, mo e ʻofa ʻa e ʻOtuá, te tau maʻu ʻo lahiange ʻi he ngaahi meʻa naʻe totonu ke tau maʻú, lahiange ʻi he meʻa ʻe lava ke tau maʻu ʻi ha taimi, pea mo lahiange ʻi he meʻa te tau lava ʻo ʻamanaki ki aí. ʻOku talaʻofa mai, ‘Pea ʻe holoholo ʻe he ʻOtuá ʻa e loʻimata kotoa pē mei [hotau] matá; pea ʻe ʻikai ke ʻi ai ha mate, pe ha ongosia, pe ha tangi, pea ʻe ʻikai kei ai ha mamahi: he kuo mole atu ʻa e ngaahi meʻa muʻá’ [Fakahā 21:4].”