Kiʻi Tohi Fakamatala ʻo e Konifelenisi ʻo ʻEpeleli 2016

“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pe ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).

ʻI hoʻomou toe fakamanatu e konifelenisi lahi ʻo ʻEpeleli 2016, ʻe lava ke ke fakaʻaongaʻi ʻa e ngaahi pēsí ni (mo e Ngaahi Tohi Fakamatala Konifelenisi ʻi he ngaahi makasini he kahaʻú) ke tokoni atu ki hoʻo akó mo hono fakaʻaongaʻi ʻa e ngaahi akonaki fakamuimuitaha ʻa e kau palōfita moʻuí mo e kau ʻaposetoló mo e kau taki kehe ʻo e Siasí.

Ke lau, mamataʻi pe fanongo ki he ngaahi lea ʻo e konifelenisi lahí, vakai ki he conference.lds.org

“Fili e tuí kae ʻikai ko e loto veiveiuá.”

Bonnie L. Oscarson, Palesiteni Lahi ʻo e Kau Finemuí, “ʻOku ou Tui Nai?” Liahona, Mē 2016, 87.

Ngaahi Tali Maʻau

ʻOku ʻomi ʻi he konifelenisi takitaha ‘e he kau palōfitá mo e kau ʻaposetoló ʻa e ngaahi tali fakalaumālie ki he ngaahi fehuʻi ʻe lava ke maʻu ʻe he kāingalotu ʻo e Siasí. Te ke lava ʻo fakaʻaongaʻi hoʻo makasini ʻo Mē 2016 pe ʻaʻahi ki he conference.lds.org ke maʻu ai e ngaahi tali ki he ngaahi fehuʻi ko ʻení:

• Ko e hā ʻa e faʻahinga ʻe fā ʻo e ngaahi fakataha alēlea fakafāmilí, pea ko e hā e ʻuhinga ʻoku nau mahuʻinga aí? —Vakai, M. Russell Ballard, “Ngaahi Fakataha Alēlea Fakafāmilí,” 63.

• ʻOku founga fēfē ʻetau teuteu ki he temipalé? —Vakai, Quentin L. Cook, “Sio Kiate Koe ʻi he Temipalé,” 97.

• Ko e hā ʻa e ngaahi kī ʻo e lakanga fakataulaʻeikí? —Vakai, Gary E. Stevenson, “ʻOku ʻi Fē ʻa e Ngaahi Kī mo e Mafai ʻo e Lakanga Fakataulaʻeikí?” 29.

Ngaahi Talanoa Mālie mei he Konifelenisí

Ko e hā ha meʻa lelei ange ke ne puke ʻetau tokangá, ka ko ha talanoa? ʻOku kau e fanga kiʻi talanoa ko ʻení he ngaahi talanoa ne vahevahe ʻi he konifelenisí:

• Ko e hā ʻa e tokāteline naʻá ne fakanonga ha ongomeʻa mali ʻi ʻAmelika Tonga ne na fakaʻamu ke silaʻi hona foha kei pēpeé kiate kinaua? —Vakai W. Christopher Waddell, “Ko ha Sīpinga ʻo e Melinó,” 90.

• Ko e hā e meʻa naʻe fakatokangaʻi ʻe ha faʻē ʻi heʻene puna mo ʻene kiʻi tamasiʻi ne puke lahí ʻi ha helikopeta ki he Falemahaki ʻo e Fānau Īkí? —Vakai, Bonnie L. Oscarson, “ʻOku ou Tui Nai?” 87.

• Naʻe founga fēfē hano fakafoki mai ʻe ha taki ʻo e kōlomu ʻo e kau taulaʻeikí, ha taha ʻo ʻene kau taulaʻeikí ki he lotú? —Vakai, Mervyn B. Arnold, “Ke Tau Fakahaofi: Te Tau Lava ʻo Fai Ia,” 53.

• Fakalelei ʻa Sīsū Kalaisí

  Dale G. Renlund

• Fakahaofí

  Dieter F. Uchtdorf

• Ngaahi Fatongia ʻi he Kahaʻú