Ol Pikinini we Oli Stap Stanap Strong
Wan Storian abaot Stori
!Alo, ol fren!
Nem blong mi Stori. Mi bin stap long Tekmenistan. Hemia wan kantri long Sentrol Esia. Mi laekem blong rid, dro mo somap. Mi laekem blong stap lukluk ol sta wetem papa blong mi. !Famli blong mi mo mi, mifala nomo i memba blong Jos long ful kantri blong mifala!
Stap Prea from Misi
Wan dei, afta long wan bigfala win, puskat blong fren blong mi, Misi, i go lus. Mifala i lukluk evri ples, be mifala i no save faenem hem. Mi talem se mifala i prea. Ol fren blong mi oli no save olsem wanem blong mekem, nao mi soem long olgeta. Mifala evriwan i nildaon mo wanwan i talem prea blong mifala. Nao mifala i stanap, mo stat blong lukaotem puskat bakegen. Wan gel i ron i kam long mifala mo talem se hem i faenem Misi. Mi bin hapi se mi bin serem pat blong gospel wetem ol fren blong mi.
Lanem Samting Aot long Wanwan long Yumi
Sista blong mi, Saraea, mo mi i bin go long wan skul wetem ol pikinini we oli kam long plante defren kantri. Mifala i laekem blong lanem samting aot long wanwan blong mifala mo gat wan gudfala taem.
Ol hanwok mo gudtaem
Saraea mo mi i invaetem ol fren blong mitufala blong kam pleiplei. Mifala i peint, mekem ol hanwok, mo go piknik. Long Krismes taem, mifala i gat smol drama wetem ol fren we oli neiba.
Jos long Hom
From se mifala nomo i ol memba blong Jos, mifala i stap gat jos long haos blong mifala nomo. Mifala i gat sakramen miting, taem blong singsing, sering taem, mo lesen blong Praemeri. Mi bin plei piano long taem blong singsing.