Visiting Tijing Mesej
Famli, God nao i odenem
Stadi long toktok ia wetem prea mo luklukgud blong kasem insperesen blong save wanem blong serem. ?Olsem wanem nao “Famle: Wan Ofisol Toktok I Go long Wol” i leftemap fet blong yu long God mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org.
Fet, Famli, Help
Foto long fored blong Buenos Aires Ajentina Tempol
“Toktok blong Praemeri singsing, Famli i blong God, i mekem yumi tingbaot stret doktrin,” Karol M. Stivens, Fas Kaonsela long Rilif Sosaeti Jeneral Presidensi i talem. “Yumi no lanem nomo se famli i blong God, be tu, se wanwan long yumi i pat blong famli blong God. …
“… Plan we Papa i gat long ol pikinini blong Hem i wan plan blong lav. Hem i wan plan blong mekem ol pikinini blong Hem oli kam wan—oli kam famli blong Hem—wetem Hem.”1
Elda L. Tom Peri (1922–2015) blong Kworom blong Olgeta Twelef Aposol i talem: “Mifala i biliv tu se ol strong tradisonol famli oli no nomo ol stamba yunit blong wan sosaeti we i stap gud, wan ekonomi we i stap gud, o wan kalja blong valiu we i stap gud—be tu, oli ol stamba yunit blong taem we i no save finis mo blong kingdom mo gavman blong God.
“Mifala i biliv se oganaesesen mo gavman blong heven, bae oli bildim raon long ol famli mo ol laen blong ol famli.”2
“Evriwan, nomata oli mared o nogat, o namba blong pikinini i bigwan, smol o nogat, oli save difendem plan blong Lod olsem we oli tokbaot insaed long famli ofisol toktok,” Boni L. Oskason, Yang Woman Jeneral Presiden i talem. “Sapos hem i plan blong Lod, hem i mas kam plan blong yumi tu!”3
Sam Moa Skripja
Luk long Doctrine and Covenants 2:1–3; 132:19
Doktrin blong Famli
Sista Juli B. Bek, foma Rilif Sosaeti Jeneral Presiden i tijim se stadi blong famli i stanap long Kriesen, Foldaon, mo Atonmen blong Jisas Kraes.
“Taem oli mekem wol ia, wol i kam wan ples we ol famli oli save stap laef long hem. God i mekem wan man mo wan woman, we wan i no save stap we i no gat narawan blong mekem wan famli. Hem i bin pat blong plan blong Papa long Heven blong Adam mo Iv i sil mo gat wan famli we i no save finis.
“Foldaon i bin mekem se i posibol blong tufala i gat ol boe mo ol gel.
“Atonmen blong Kraes i letem famli i sil tugeta blong taem we i no save finis. I letem ol famli oli gro blong taem we i no save finis mo kam stret evriwan. Plan blong hapines, we oli singaotem tu, plan blong fasin blong sevem man, i wan plan we God i mekem blong ol famli. …
“Hemia i doktrin blong Kraes. Sapos i no gat famli, i no gat plan; i no gat risen blong gat laef long wol ia.”4