Ol Buk blong Momon Stori
Stap Wokbaot I Go longPromes Graon
I kamaot long Ita 2–3, 6
Jared mo brata blong hem i bin stap long wan vale wetem ol famli mo ol fren blong tufala. Jisas Kraes i bin visitim brata blong Jared. Jisas i talem long hem blong hem i bildim ol bot blong tekem ol pipol blong hem oli go krosem solwota i go long graon blong promes.
Ol pipol oli bildim ol bot we i no gat windo long olgeta. Brata blong Jared i bin wari long olsem wanem nao bae oli pulum win mo lukluk samting. Jisas i talem se oli mekem samfala hol insaed long bot blong ea i kam insaed.
?Be weswe nao long laet? Brata blong Jared i mekem 16 ston we oli waet evriwan. Hem i askem Jisas blong tajem ol ston ia wetem fingga blong Hem blong mekem ol ston ia oli saen gud.
Brata blong Jared i bin luk Jisas i tajem wanwan ston wetem fingga blong Hem. Ol ston ia oli saen strong. From se hem i bin gat bigfala fet, !brata blong Jared i bin luk Jisas Kraes!
God i bin sendem ol bigfala win blong pusum ol bot ia oli krosem ol solwota. Taem oli kasem graon blong promes, ol Man blong Jared oli bin prea blong talem tangkyu long God blong protektem olgeta.
Yumi save kam olsem brata blong Jared taem we yumi trastem God mo gat fet long Jisas Kraes.