Faea mo Ol Lesen blong Fasin blong Stap Obei

Presiden Tomas S. Monson, wan taem i tokbaot taem we hem i bin lanem olsem wanem i impoten blong stap obei. Taem hem i gat eit yia, famli blong hem i go long wudhaos blong olgeta we i stap long maonten. Hem mo ol fren blong hem oli wantem brasem wan ples we i gat fulap gras blong oli save mekem wan faea blong kamp. Oli traem pulumaot gras long han, oli holem mo pulum strong we strong, be smol rabis gras nomo i stap kamaot. Presiden Monson i eksplenem: “Nao mi ting se stret wei nao i kam long tingting blong mi we i gat eit yia nomo. Mi talem long Dani: ‘Bae yumi bonem nomo ol rabis gras ia. !Bae yumi laetem faea raonem mo bonem ol rabis gras ia!’”

Nomata mifala i save se mifala i no gat raet blong yusum masis, hem i ron i gobak long wudhaos, karem masis, mo hem mo Dani i laetem wan smol faea long rabis gras ia. Tufala i ting se faea bae i ded hemwan, be no; faea i kam bigwan i kam wan faea we i bigwan tumas, i wan denja. Hem mo Dani, tufala i ron blong askem help, mo i no longtaem afta, sam bigman oli hariap i kam blong kilim faea bifo i kasem ol tri.

Presiden Monson i gohed, i talem: “Dani mo mi i lanem sam had be impoten lesen long dei ia—bigfala lesen, i we i impoten blong stap obei.” (Luk long“Obedience Brings Blessings,” Liahona, Mei 2013, 89–90.)

Semmak olsem Presiden Monson, ?yu yu eva lanem wan lesen long saed blong fasin blong obei long wan had wei? ?Wanem ol gol we yu save putum blong mekem se yu stap sef long fiuja tru long fasin blong stap obei?