Ko e Fiefiá ʻa e Kī ki Heʻetau Moʻui Fakalaumālié

Palesiteni Russell M. Nelson, Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá, “Fiefiá mo e Moʻui Fakalaumālié,” Liahona, Nōvema. 2016, 82, 83, 84.

“ʻI hono tukutaha ʻetau tokangá he palani ʻo e fakamoʻuí pea mo e ʻOtua mo Sīsū Kalaisi mo ʻEne ongoongoleleí, te tau ongoʻi fiefia ʻo tatau ai pē ko e hā e meʻa ʻoku hokó—pe ʻikai ke hoko—ʻi heʻetau moʻuí. …

“… Ko ʻEne fiefiá ʻoku pau, mo fakapapauʻi mai kiate kitautolu ʻʻe kiʻi fuofuoloa siʻi pē ʻa hoʻo faingataʻaʻiá’ [T&F 121:7] pea fakatapui ia ko hotau tāpuaki. …

“… Pea ʻi he meʻa kotoa pē, ko Sīsū Kalaisi ʻa hotau sīpinga lelei tahá, ʻa ia naʻá ne kātakiʻi ʻa e pekia ʻi he ʻakaúʻ [Hepelū 12:2]. Fakakaukau ki ai! Koeʻuhi ke Ne malava ʻo foua e meʻa fakamamahi taha kuo hoko he māmaní, naʻe nofotaha pē hotau Fakamoʻuí ʻi he fiefiá! …

“Kapau te tau vakai ki he māmaní pea muimui he founga ʻa e māmaní ki he fiefiá, he ʻikai pē ke tau aʻusia ʻe kitautolu ia e fiefiá. … Ko e fiefiá ko ha meʻaʻofa ia ki he faivelengá.”