Mga Tingog sa mga Santos sa Ulahing mga Adlaw
Akong Adiksyon; ang Tabang sa Manluluwas
Paghulagway ni Joshua Dennis
Pipila ka tuig ang milabay, ang akong asawa ug ako nag-ungaw na sa pagdiborsyo tungod sa akong problema sa inom. Bisan ang paghilak sa akong mga anak wala makausab kanako. Sa dihang mibisita ang mga misyonaryo sa among balay, wala dangti og dugay ang akong asawa ug mga anak nagpabunyag, apan dili ko modawat sa mga butang sa Dios.
Ang akong adiksyon sa pag-inom ang mikontrolar sa akong kinabuhi. Moadto ko sa mga bar pagkahuman sa trabaho ug kanunayng mopalta sa trabaho tungod kay ako hubog. Kon nakainom ko, mahimo kong agresibo. Kanunay kong makiglalis ug makig-away sa ubang tawo.
Kon mopaingon nako sa trabaho, ang akong mga anak manghilak ug mohangyo nga mokuyog nako aron malikay ko sa pag-inom. Misaad ko nila nga dili ko moinom, apan dili gayud nako tumanon ang akong mga saad. Gusto lang gyud ko nga magsige og inom.
Sa katapusan, nakaamgo ko nga ako nagkinahanglan og tabang. Sa tabang sa mga misyonaryo, akong gipaningkamotan nga mabuntog ang akong adiksyon. Sa taud-taud nga panahon, dili ko makapugong sa pag-inom sobra sa duha ka higayon sa usa ka simana.
Dayon usa ka adlaw ang mga misyonaryo mipakigbahin og usa ka tudling gikan sa Basahon ni Mormon nga nakapausab sa akong kinabuhi: “Ug kon ang tawo moduol ngari kanako ako mopakita ngadto kanila sa ilang kahuyang. Ako mohatag ngadto sa mga tawo og kahuyang nga sila mahimo nga magpaubos; ug ang akong grasya igo alang sa tanan nga mga tawo nga magpaubos sa ilang mga kaugalingon sa akong atubangan, kay kon sila magpaubos sa ilang mga kaugalingon sa akong atubangan, ug magbaton og hugot nga pagtuo ngari kanako, niana Ako mohimo sa mahuyang nga mga butang nga mahimo nga malig-on ngadto kanila” (Ether 12:27).
Nagkinahanglan ko og tabang sa Manluluwas. Kon wala Siya, dili gayud nako mabuntog ang akong adiksyon. Akong nakita nga kon mas mosalig ko Kaniya, mas makahimo ko nga dili moinom sa taas nga panahon. Human sa pipila ka mga pagbisita sa mga misyonaryo, akong gidawat ang pagdapit nga magpabunyag.
Sukad nianang adlawa, ang akong kinabuhi nausab. Kapin na sa walo ka tuig nga milabay, ug wala nako misulay sa pag-inom bisan usa ka tulo sa ilimnong makahubog. Karon gawasnon na ako, ug kining tanan akong utang kabubut-on ngadto sa Ginoo.