Ang Imong Pagpamatuod ug ang Basahon ni Mormon

Tulo ka istorya gikan sa mga batan-on kon sa unsang paagi ang Basahon ni Mormon miusab sa ilang kinabuhi.

Miingon si Joseph Smith nga ang Basahon ni Mormon mao ang “labing tukma sa bisan hain nga basahon dinhi sa yuta, ug ang sukaranan sa atong tinuohan, ug ang tawo labi nga maduol sa Dios pinaagi sa pagsunod sa iyang mga lagda, kay sa bisan hain nga basahon” (pasiuna sa Basahon ni Mormon). Ang Basahon ni Mormon usa ka lig-ong saksi kang Jesukristo ug sa Iyang gipahiuli nga ebanghelyo. Ang pagkahibalo nga kini tinuod makausab sa tanan.

Ang mga tawong misulat sa mosunod nga mga pagpamatuod nakabig kang Jesukristo ug sa Iyang ebanghelyo tungod sa ilang mga kasinatian sa pagbasa ug pag-ampo mahitungod sa Basahon ni Mormon. Ang tinuoray usab nga pagbasa ug pag-ampo mahitungod sa Basahon ni Mormon makausab sa imong kinabuhi.

Mahibaloan Nimo Kini Pinaagi sa Imong Kaugalingon

Kon may pagpamatuod ka man sa Basahon ni Mormon o gusto bang makaangkon og saksi sa imong kaugalingon, ang pagbasa ug pag-ampo mahitungod sa Basahon ni Mormon mopalig-on sa imong pagkakabig.

Ang Basahon ni Mormon makatabang nga kitang tanan mas maduol kang Jesukristo. Ang Basahon ni Mormon makatabang nga imong masayran nga si Jesus mao ang Kristo, nga si Joseph Smith usa ka propeta, ug nga Ang Simbahan ni Jesukristo sa mga Santos sa Ulahing mga Adlaw ang tinuod nga Simbahan sa Dios dinhi sa yuta. Ablihi ang imong kasingkasing samtang ablihan nimo ang mga pahina niini, ug imong makita kon sa unsang paagi ang imong kinabuhi mausab ngadto sa mas maayo.

• Basaha Lang ug Mag-ampo

  Michael Peak

• Pagdawat sa Hagit sa usa ka Propeta

  Portia Marjorie J. Alvaro

• Ang Basahon nga Miluwas sa Akong Kinabuhi