Զարգացնել բրնձով տորթի իմ բիզնեսը

Լորդիթա Յագոմյոմ

Միսամիս Օկիդենտալ, Ֆիլիպպիններ

Ես ցանկանում էի որդուս միսիա ուղարկել, բայց շաբաթական վաճառելով մեկ կիլոգրամ (2 ֆունտ) բիբինգկա (բրնձով տորթ) հնարավոր չէր աջակցել նրան միսիա գնալու համար:

Որդիս օգնում էր ընտանիքին ֆինանսապես և շատ անհանգստանում էր մեր ֆինանսական վիճակով, որպեսզի մեկնելիս հանգիստ զգար: Մեր ընտանիքի համար մշտական պայքար էր փող վաստակելը: Ես հպարտ էի իմ 25-ամյա որդու միսիա ծառայելու արդար ցանկության համար, բայց ես հասկացա, որ մենք կարիք կունենանք մի տեսակ հրաշքի՝ իրականացնելու նրա միսիա ծառայելու երազանքը:

Ես միացա ինքնապահովման մի խմբի: Լինելով նախաձեռնող և գործադրելով հավատքս, ես գիտեի, որ ընտանիքս կօրհնվեր: Մի ժողովի ժամանակ ինձ հուշեցին՝ գնալ հասարակական շուկա: Այնտեղ ես տեսա շատ կանանց, ովքեր վաճառում էին տեղական նախուտեստներ: Ես գործարքի մեջ մտա մի կնոջ հետ: Ես ասացի նրան, որ կթողնեմ իմ արտադրանքը առավոտյան, որ նա վաճառեր, իսկ օրվա վերջում կհավաքեմ եկամուտները: Այդ պայմանավորվածությունը մեզ երկուսիս համար էլ շահավետ էր: Ես շուտով գտա ավելի շատ վաճառողների: Ինքնապահովման խմբում իմ լինելու ընթացքում գործս աճեց մինչև 10 վաճառող:

Ես սովորեցի առանձնացնել իմ անձնական փողը գործարարության փողից և վճարել ինձ աշխատավարձ: Ես սովորեցի ժամանակ չծախսել այն ապրանքների վրա, որոնք չէին վաճառվում և փոխարենը կենտրոնանալ նրա վրա, ինչը շահավետ էր: Սոցիալական լրատվամիջոցներում ես սովորեցի նաև մարկետինգի մասին: Իմ գործընկերը ինքնապահովման խմբից օգնեց ինձ ֆեյսբուքում էջ ստեղծել: Այնտեղից մենք սովորեցինք ապրանքանիշերի ստեղծման և փաթեթավորման մասին: Իմ գործն ի վերջո այն աստիճան աճեց, որ ամուսինս թողեց իր ֆիզիկապես հոգնեցուցիչ աշխատանքը և սկսեց աշխատել ինձ հետ:

Վերջերս մեկը ինձ հարցրեց, թե ինչպես էր գնում առևտուրը: Ես հպարտությամբ ասացի, որ այժմ ես վաճառում եմ 12 կիլոգրամ (26 ֆունտ) բրնձով տորթ:

«Շաբաթը 12 կիլոգրամը հիանալի է»,- ասաց նա:

«Ոչ, եղբա՛յր»,- ասացի ես: «Ես օրական եմ 12 կիլոգրամ վաճառում»:

Որդիս հետագայում ասաց ինձ, որ ինքը երջանիկ էր, որ իմ գործը կարող էր այժմ ապահովել մեր կարիքները:

Երևում է, ես այժմ կարող եմ ծառայել լիաժամկետ միսիա։

Այժմ նա ծառայում է Ֆիլիպպինների Սան Պաբլո միսիայում։ Այնքան երախտապարտ եմ ինքնապահովման նախաձեռնության համար: Տերն իսկապես նկատի ուներ այս, երբ Նա ասել է. «Իմ նպատակն է` ապահովել իմ սրբերին» (ՎևՈւ 104.15):