Ինչպե՞ս գերագույն համաժողովի ուղերձը կարող է փոխել ձեր կյանքը

Հեդլի Գրիգս

Հեղինակն ապրում է Յուտայում, ԱՄՆ

Դուք իսկապես կարող եք դառնալ Հիսուս Քրիստոսի նման: Այս միջոցները կօգնեն ձեզ հասկանալ թե ինչպես:

Զգո՞ւմ եք, որ ձեր հոգևոր լիցքը մի փոքր պակասել է: Կարծում եք, կարո՞ղ եք օգտագործել մի փոքր հոգևոր ուղղորդում: Դե, ձեր բախտը բերել է, որովհետև գերագույն համաժողովը կարող է լինել հենց այն, ինչ պետք է: Տասներկու Առաքյալների Քվորումից Երեց Ռոբերտ Դ. Հեյլզն ասել է. «Եկեղեցու երիտասարդ անդամներին ես խոստանում եմ` եթե լսեք [գերագույն համաժողովը], դուք ուժգնությամբ կզգաք Հոգին ձեր մեջ: Տերը ձեզ կասի, թե ինչ է ուզում, որ անեք ձեր կյանքում»:¹

Եվ դա չի ավարտվում համաժողովի շաբաթվա վերջում, դուք կարող եք նաև շարունակել զգալ Հոգին հետո՝ ելույթներն ուսումնասիրելիս:

Համաժողովն ամեն կերպ է օգնում մեզ: Գուցե ամենակարևորն այն է, որ այն թույլ է տալիս մեզ ավելի մոտենալ Փրկիչին՝ ուսուցանելով մեզ, թե ինչպես Նրան ավելի նման դառնալ: Համաժողովից առավելագույնը ստանալու հիանալի ձև է Քրիստոսանման հատկանիշների վերաբերյալ ուսմունքներին հատուկ ուշադրություն դարձնելը, լինի հեռարձակման ընթացքում, թե հետո՝ ելույթներն ուսումնասիրելիս: Երբ լսեք կամ կարդաք, որոշակի Քրիստոսանման հատկանիշները ձեր մտքում, խոսքերն ու Հոգին կարող են օգնել ձեզ սովորել, թե ինչպես ավելի նման լինել Քրիստոսին:

Դուք կարող եք վերցնել այս արագ վիկտորինան, որ տեսնեք, թե մեկ կամ երկու որ հատկանիշների վրա կարող եք կենտրոնանալ, երբ ուսումնասիրեք համաժողովի ուղերձները: (Վիկտորինան ավելի խորապես հասկանալու համար, ստուգեք 2016թ. New Era ամսագիրը կամ «Քարոզիր իմ ավետարանը» գլուխ 6-ը:)

Ստորև բերված ինը Քրիստոսանման հատկանիշներից յուրաքանչյուրի համար ընտրեք այն դրույթը, որը լավագույնն է նկարագրում ձեզ:

1. Հավատ

   1. Ես համոզված չեմ, թե Հիսուս Քրիստոսն է իմ Փրկիչը:

   2. Ես հավատում եմ Հիսուս Քրիստոսին և ընդունում եմ Նրան որպես իմ Փրկիչ:

   3. Հուսով եմ, Հիսուս Քրիստոսն իմ Փրկիչն է:

2. Հույս

   

   1. Ապագայի հանդեպ ես խաղաղ և լավատեսորեն եմ տրամադրված։

   2. Ապագան ինձ սարսափեցնում է:

   3. Ես սովորաբար անտեսում եմ ապագան, եթե չեմ մտածում այդ մասին, ես չեմ անհանգստանում դրա վերաբերյալ:

3. Գթություն և սեր

   1. Ես փորձում եմ սիրել ուրիշ մարդկանց, բայց կան որոշ մարդիկ, ովքեր, կարծես, ազդում են նյարդերիս վրա:

   2. Ես այնքան զբաղված եմ իմ կյանքի վրա աշխատելով, որ դժվարանում եմ մտածել որևէ այլ բանի մասին:

   3. Ես ցանկանում եմ ուրիշ մարդկանց հավերժական բարօրություն ու երջանկություն։

4. Առաքինություն

   1. «Լինել մաքուր մտքով և գործով»։ Այդքան էլ ուրախ չի հնչում։

   2. Ես սրտով մաքուր և անբիծ եմ։

   3. Ես դժվարանում եմ մաքուր և անբիծ մնալ:

5. Գիտելիք

   

   1. Ես այնքան շատ բան ունեմ անելու, որ չեմ կարող իսկապես ժամանակ գտնել իմ հարցերին պատասխաններ որոնելու համար:

   2. Ու՜ֆ: Սովորե՞լ: Երբեմն այնքան ձանձրալի է փորձել ինչ-որ բան սովորել:

   3. Ես լրջորեն ձգտում եմ հասկանալ ճշմարտությունը և պատասխաններ գտնել իմ հարցերին:

6. Համբերություն

   1. Ես կարողանում եմ սպասել ինչ-որ բանի առանց տխրելու կամ նեղսրտելու:

   2. Կարծում եմ, կարողանում եմ սպասել ինչ-որ բանի, բայց միգուցե մի քիչ նեղվեմ:

   3. Ինչ-որ բանի սպասելը վատթարագույնն է: Ես ամեն ինչ հիմա եմ ցանկանում:

7. Համեստություն

   1. Ուզում եմ համոզվել, որ ամեն ինչ ինքնուրույն եմ անում:

   2. Ես ապավինում եմ Տիրոջը՝ օգնության համար:

   3. Երբ ինչ-որ բանի վրա աշխատում եմ, հաճախ մոռանում եմ, որ կարող եմ խնդրել Երկնային Հորը օգնության համար:

8. Ջանասիրություն

   1. Ես իմ ժամանակի նշանակալի մասը ծախսում եմ հեռուստացույց դիտելու, ընկերներիս հետ ժամանակ անցկացնելու վրա և խուսափում պատասխանատվությունից:

   2. Ես հաճախ պայքարում եմ իմ կյանքում կարևոր բաների վրա կենտրոնանալու համար , բայց ես իսկապես փորձում եմ:

   3. Ես իմ ժամանակն ու էներգիան ծախսում եմ ամենակարևոր բաների վրա:

9. Հնազանդություն

   1. Ես պատրաստակամ հետևում եմ իմ ղեկավարների և ծնողների խորհրդին:

   2. Ես սովորաբար ինքս իմ ղեկավարն եմ, ես դժվարությամբ եմ լսում ուրիշ որևէ մեկին:

   3. Ես հետևում եմ իմ ղեկավարների և ծնողների խորհրդին, բայց երբեմն ես տրտնջում եմ դրանից:

Այժմ նայեք ձեր պատասխաններին: Ի՞նչ հատկանիշների վրա դուք կկամենայիք աշխատել: Որպեսզի սովորեք, թե ինչպես զարգացնել դրանք, դուք կարող եք ընտրել մեկը կամ երկուսը և ուշադրություն դարձնել դրանց, երբ լսեք համաժողովը:

Եվ եթե դուք պատասխանեք, որ հիանալի եք անում յուրաքանչյուր բան, շարունակեք այդպես: Դուք դեռ կարող եք ընտրել մեկը կամ երկուսը, որոնք վիկտորինայի ժամանակ առանձնացրել են և կենտրոնանալ դրանց վրա համաժողովի ձեր ուսումնասիրության ժամանակ: Որտեղ էլ որ լինեք Քրիստոսանման դառնալու ձեր ճանապարհին, դուք միշտ կարող եք դիմել մեր ղեկավարների ուսմունքներին, որոնք կօգնեն ձեզ ձեր ուղևորության ընթացքում:

Եթե դուք չեք կարողանում որոշել, թե որ հատկանիշն ընտրեք այժմ, մի անհանգստացեք: Դուք միշտ կարող եք լսել համաժողովը և տեսնել, թե ինչն է ձեզ համար առանձնանում այդ ժամանակ:

Երբ ընտրեք հատկանիշը, որի վրա դուք ուզում եք կենտրոնանալ, գուցե կամենաք գրի առնել այն, որպեսզի դուք պատրաստ լինեք հայտնություն ստանալ դրա վերաբերյալ, երբ լսեք համաժողովը կամ, երբ հետո ուսումնասիրեք ելույթները: Երբ դուք լսեք և ուսումնասիրեք, թող Հոգին ձեզ առաջնորդի հատուկ ուղիներով, որպեսզի կարողանաք աշխատել հատկանիշի վրա: Ստուգեք ներքևի այս օրինակը:

Հղում

1. Ռոբերտ Դ. Հեյլս, «Գերագույն համաժողով. Զորացնել հավատք և վկայություն», Լիահոնա, նոյ. 2013, 6.

Սեր հինգ նոր ընկերների հանդեպ

Դպրոցում կա երեխաների մի փոքր խումբ, որոնց մասին աշակերտների մեծ մասը մտածում են որպես «ոչնչություն», որովհետև նրանք տարբեր են: Ես սովորաբար չէի խոսում նրանց հետ: Ես չար չէի, բայց նաև բարեհամբույր չէի:

Երբ ես լսեցի Նախագահ Դիտեր Ֆ. Ուխդորֆի՝ Առաջին Նախագահության երկրորդ Խորհրդականի ելույթը. «Ողորմածները ձեռք կբերեն ողորմություն» (ապրիլ 2012 գերագույն համաժողովը), ինչ-որ բան փոխվեց: Նա ասաց, որ կա մի բան, որ մենք պետք է անենք, երբ խոսքը գնում է դատելու մասին. «Կա՛նգ առեք»: Նրա ելույթն օգնեց ինձ հասկանալ, որ դպրոցում այս երեխաներին դատելու փոխարեն, ես պետք է փոխարինեմ իմ վատ մտքերը և զգացումները «Աստծո և Նրա զավակների հանդեպ սիրով լի սրտով»:

Այդ երկուշաբթի, երբ ես գնացի դպրոց, իմ սովորական ընկերներին հանդիպելու փոխարեն, ես գնացի այնտեղ, որտեղ այդ խումբն էր, որոնց մասին մարդիկ մտածում էին որպես «ոչնչություններ»: Մենք սկսեցինք խոսել և ես հասկացա, որ այդ մարդիկ բոլորովին էլ տարբեր չէին մեկ ուրիշից: Երբ նրանց հետ ժամանակ անցկացրի, ես ամուր հարաբերություններ ստեղծեցի նրանց հետ: Ես ձեռք եմ բերել հինգ նոր ընկերներ:

Ես հասկացա, որ իմ նոր ընկերները բոլորովին էլ «ոչնչություններ» չէին. Աստծո համար նրանք միշտ էլ ինչ-որ մարդիկ էին: Ես այնքան երջանիկ եմ, որ ավելի շատ բան իմացա Իր զավակների հանդեպ Աստծո սիրո մասին

Հոլլի Հ., 19 տարեկան, Կալիֆորնիա, ԱՄՆ

Ստեղծել գթության մթնոլորտ նվագախմբի դասարանում

2015թ. հոկտեմբերի գերագույն համաժողովի ժամանակ մի որոշակի ելույթ առանձնահատուկ դարձավ ինձ համար: Տասներկու Առաքյալների Քվորումից Երեց Դեյլ Գ. Ռենլանդը ելույթ ունեցավ, որը կոչվում էր «Աստծո աչքերով»: Նա խոսեց մյուս մարդկանց սիրառատ ծնողների աչքերով տեսնելու կարևորության մասին: Երբ ես դա լսեցի, զգացի, որ ավելի շատ ջանք պետք է գործադրեմ սիրելու նրանց, ովքեր իմ շրջապատում են:

Մի առավոտ համաժողովից հետո ես ուշադիր նայեցի, որ հարմար պահ գտնեմ ինչ-որ մեկին երջանիկ դարձնելու համար: Ես գնացի իմ նվագախմբի դասարանը և տեսա մի տղայի, որին ես սովորաբար շատ ուշադրություն չէի դարձնում: Ես հասկացա, որ նա անտրամադիր էր ինչ-որ բանի պատճառով, այսպիսով մոտեցա նրան և հարցրի, թե ինչպես էր օրն անցնում նրա համար: Նա այնքան էլ զրուցասեր չէր, ուստի ես հարցրի նրան, թե ինչ էր մտածում նվագախմբի դասարանի մասին: Նա ասաց, որ իրականում չգիտեր երաժշտությունը և անհանգստանում էր համերգի համար: Ես առաջարկեցի միասին փորձել, և մենք միասին նվագեցինք երգը: Այն հրաշալի հնչեց: Դրանից հետո մենք սկսեցինք զրուցել մեր գործիքների մասին: Մենք շատ մոտեցանք, և ես իսկապես ուրախ եմ, որ ժամանակ տրամադրեցի նրա հետ զրուցելու համար:

Քրիստա Մ., 12 տարեկան, Տեխաս, ԱՄՆ