Mga tubag gikan sa usa ka Apostol
Sa unsa nga paagi nga ang paghinulsol makatabang nako nga mobati nga malipayon?
Ni Elder Dale G. Renlund
Sa Korum sa Napulog Duha ka mga Apostoles
Gikan sa “Paghinulsol: Usa ka Mahimayaon nga Pagpili,” Liahona, Nob. 2016, 121–124.
Ang paghinulsol nagpasabut nga dili na magpakasala ug ipunting ang atong mga kasingkasing ngadto sa Dios.
Si Jesus makapasaylo tungod kay gibayaran Niya ang kantidad sa atong mga sala. Gusto Siya nga mopasaylo kanato tungod kay Siya nahigugma kanato.
Malipay Siya kon kita mopili sa paghinulsol.
Kon mopasaylo Siya kanato, mobati usab kita og kalipay.