Mensahe sa Visiting Teaching
Motabang sa mga Palas-anon sa Uban
Tun-i sa mainampuong paagi kining materyal ug tinguhaa ang inspirasyon aron masayud unsay angay nga ipakigbahin. Sa unsang paagi ang pagsabut sa katuyoan sa Relief Society nag-andam sa anak nga mga babaye sa Dios alang sa mga panalangin sa kinabuhing dayon?
“Gilibutan kita niadtong nanginahanglan sa atong pagtagad, atong pagdasig, atong suporta, atong paghupay, atong kamabination” miingon si Presidente Thomas S. Monson. “Kita ang mga kamot sa Ginoo dinhi sa yuta, uban sa mando nga moserbisyo ug motabang sa Iyang mga anak. Nagdepende Siya sa matag usa kanato.”1
Si Presidente Henry B. Eyring, Unang Magtatambag sa Unang Kapangulohan, miingon: “Ang dakong kausaban nagsugod sa inyong kasingkasing dihang mianhi kamo sa Simbahan. Nakigsaad kamo, ug nakadawat og saad nga misugod sa pag-usab sa inyo gyung kinaiya. …
“… Misaad mo nga tabangan ninyo ang Ginoo nga mapagaan ang ilang mga palas-anon ug mahupay. Gihatagan kamo sa gahum aron makatabang nga mogaan kana nga mga palas-anon dihang nadawat ninyo ang gasa sa Espiritu Santo.”2
“Tinguha natong gamiton ang kahayag sa ebanghelyo aron makita ang uban sama sa pagtan-aw sa Manluluwas—uban sa kalooy, paglaum, ug gugmang putli,” miingon si Jean B. Bingham, Kinatibuk-ang Presidente sa Relief Society. “Moabut ang adlaw nga may kompleto na kitang panabut sa kasingkasing sa uban, ug magpasalamat nga gikaloy-an kita—sama sa atong paghatag og manggiloy-ong mga hunahuna ug pulong ngadto sa uban atol niining kinabuhia. …
“Ang atong obligasyon ug pribilehiyo mao ang paghangop sa kalamboan diha sa tanan samtang maningkamot kita nga mas mahisama sa Manluluwas.”3
Sa atong pagtabang sa mga palas-anon sa uban ug motuman sa atong mga pakigsaad, mas mamatikdan nato ang gahum sa pag-ayo ni Jesukristo. Si Elder Jeffrey R. Holland sa Korum sa Napulog Duha ka mga Apostoles mitudlo: “Kon hunahunaon ang dili daling sabton nga Pagkamatay sa krus ug Pag-ula, ako mosaad kaninyo nga siya dili makaako nga motalikod kanato karon. Dihang miingon siya ngadto sa mga kabus sa espiritu, ‘Umari ka kanako,’ Siya nagpasabot nga Siya nahibalo unsaon paglingkawas ug Siya nahibalo unsaon nga malangit. Siya nahibalo niini tungod kay Siya nakaagi na niini. Siya nahibalo sa agianan; sa pagkatinuod, tungod kay Siya mao ang dalan.”4
Dugang nga mga Kasulatan
Hugot nga Pagtuo Kahupayan sa Pamilya