Walo ka Rason nga ang Pasko usa ka Nindot nga Panahon nga Mahimong Misyonaryo
Adunay butang mahitungod sa mga holiday nga makapahimo sa pagpakigbahin sa ebanghelyo nga mas maayo!
Mga paghulagway pinaagi ni Manu Callejon
Gihigugma ninyo ang inyong mga higala. Gihigugma ninyo ang ebanghelyo. Ug wala moy ideya unsaon sa pagtudlo sa ebanghelyo ngadto sa inyong mga higala.
Kon kini morag kamo, wala mo mag-inusara. Daghang mga tawo gusto nga mopakigbahin sa ebanghelyo ngadto sa ilang mga higala apan nahadlok nga mora og mamugos o salikwaut. Ang pagpakigbahin sa ebanghelyo makapahimo og daghang kabalaka.
Apan ayaw kahadlok! Bisan kon wala mo makahisgot sa Simbahan ngadto ni bisan kinsa, ang inyong holiday season mahimong mapuno sa daghang normal, sayon, ug posible nga mahimo nga mga kahigayunan sa misyonaryo. Sa unsa nga paagi?
Ang unang butang nga himoon mao ang pag-ampo. Panghangyo sa Langitnong Amahan og mga oportunidad sa pagpakigbahin sa ebanghelyo. Pag-ampo aron makahibalo kinsa ang pakigsultihan o imbitaron ug pag-ampo alang sa kaisug nga buhaton gayud kini!
Ang ikaduhang butang mao ang pagsugod. Ug sugdi karon. Aniay sekreto: Ang misyonaryo nga buhat sayon kaayo panahon sa Pasko. Ngano? Duna kitay walo ka rason.
-
Ang tanan ganahan og party.
Ang mga kahigayunan mao, ang imong ward o tingali ang imong pamilya magplano og party sa Pasko. Pangimbitar og higala nga moapil sa kalingawan! Tingali dunay kanta o mensahe nga naghisgot bahin sa Manluluwas, ug basin mao kini ang gustong madunggan sa inyong mga higala.
-
Ang pag-imbitar og mga tawo ngadto sa simbahan panahon sa Pasko normal ra gayud.
Dunay butang sa Pasko nga makapaaghat sa mga tawo nga moadto sa simbahan. Usa kini ka nindot nga panahon sa inyong mga higala nga makahibalo nga welcome sila aron makita kon sa unsang paagi ang mga miyembro sa inyong simbahan mosimba sa Manluluwas.
-
Ang mga salo-salo sa Pasko mao ang nindot nga paagi sa paghimo og imbitasyon o usa ka mensahe sa ebanghleyo mahimong idugang.
Usa ka plato sa mga cookies uban sa inyong paborito nga kasulatan? Tsokolate ug kinutlo bahin sa Pasko? Nindot kaayo kana nga ideya!
-
Ang mga pamilya ganahan magpundok-pundok.
Ang paggahin og panahon uban sa pamilya usa ka dako nga bahin sa mga tradisyon sa Pasko, mao nga sayon kaayo ang paghisgot bahin sa inyong pamilya, sa inyong mga tradisyon sa holiday, ug sa inyong pagtuo bahin sa mga pamilya.
-
Ang mga suga sa Pasko ug tsokolate maoy popular kaayo.
Pag-inom og tsokolate o pagtan-aw og mga dekorasyon sa Pasko sa lungsod alang sa family home evening o sa Mutual nga kalihokan. Ang mga kalihokan sa holiday makalingaw alang sa tanan, ug usa kini ka nindot nga paagi alang sa usa ka higala nga makakita giunsa ninyo pagsunod ang inyong relihiyon.
-
Ang mga Mormon Messages sa Pasko talagsaon ug sayon ipakigbahin.
Dad-a ang diwa sa Pasko ngadto sa social media pinaagi sa pagpakigbahin sa “A Savior Is Born—Christmas Video”! Pila ka mga higala ninyo sa Facebook ang ganahan nga motan-aw og gamay nga anghel nga motabang og mug-uton nga janitor sa “The Reason Behind Christmas” o nindot nga istorya bahin sa pagkadili hakog sa “The Coat: A Story of Charity”? Siksika ang LDS.org o ang Mormon Channel alang niini ug sa ubang nindot nga mga mensahe nga ipakigbahin sa Pasko.
-
Ang Pasko mao ang kasaulugan sa Manluluwas.
Daghang mga Kristiyano mas nakatutok sa Manluluwas panahon sa Pasko. Agig dugang sa pagpakigbahin sa inadlaw nga mga ideya sa pagserbisyo, ang Mormon.org maghisgot usab sa mga pagtulun-an sa Manluluwas ug mga paagi sa “Light the World.” Basin mao gyud kanay gipangita sa inyong mga higala aron saulugon si Kristo sa Pasko.
-
Adunay daghan kaayong paagi sa paghatag ug pagserbisyo panahon sa Pasko!
Ang pagserbisyo mao ang talagsaong paagi nga mahimong usa ka misyonaryo, ug adunay daghang mga oportunidad sa pagserbisyo sa uban atol sa mga holiday. Makabisita mo og nursing home, manaygon ngadto sa silingan, o mohatag og mga pagkaon ug sinina ngadto sa balay alang sa mga timawa. Makakita kamo og mga ideya sa pagserbisyo sulod sa unang 25 ka adlaw sa Disyembre pinaagi sa pagbisita sa Mormon.org.
Unsa pay inyong gihulat?
Tungod sa ebanghelyo, nakahibalo mo bahin ni Jesukristo ug sa tanang paglaum nga Iyang gidala. Talagsaon kana nga regalo, ug usa kini nga inyong ikahatag ngadto sa uban. Kon sinsero kamong mohangyo sa Langitnong Amahan alang sa mga oportunidad sa pagpakigbahin sa ebanghelyo, modasig Siya kaninyo nga makahibalo kinsa ang inyong pakig-istoryahan. Ang Pasko mao ang usa ka panahon sa pagpakigbahin, sa paghatag, ug paghinumdom ni Jesukristo.