Bukin tera Iai Ara Bowi n te Kooram ao n te Bootaki n Aine?

Ni boong aika kaitira, e a tia te Atua ni kaoka te nakoanibonga ao ni bairea raoi te kooram n te nakoanibonga ao te Bootaki n Aine ni buoka kakoroan nanon Ana mwakuri ni kamaiu. Ibukin aei, ni katoa Tabati ngkana ti ikotaki n te kooram n unimwaane ao n te bootaki n Aine, ti maroroakin ao ni bairea te bwai ae ti na karaoia ni kakoroa nanon ana mwakuri te Atua. N te aro bwa aonga n nakoraoi, bootaki aikai a kainnanoia ae ana raka riki nakon ae ti te kiraati. Ana riki bowi aikai bwa taai n reirei taekan te mwakuri ni kamaiu, ni uaia ni kamatebwaia taekan te mwakuri anne man aia reirei mataniwi n te Ekaretia, ao ni bairei ao ni barongai arora bwa ti na kakoroa nanona.