Unimwaane Carl B. Cook

Beretitentii n te Itingaun

Unimwaane Carl B. Cook e kakoaua bwa reken te tai ni beku bon teuana te kabanea ni korakora ni kakabwaia ni kainakin Ana Ekaretia Iesu Kristo ibukiia Aika Itiaki ni Boong aika Kaitira. Ma, e butimwaai, kariai ao ni kakorakorai wewete aika kainnanoa te onimaki.

Unimwaane Cook, e kamatoa kaain te Beretitentii n te Itingaun n Maati 31, 2018, n aroia kaain te Ekaretia—aika a beku ni kabane inanon mwaanga ao uoote, kooram, ao taian bootaki—nakon te “kambwaun kiia” iaon te kaa, are e a kakorakora riki minona.

Te kambwaun kiia, n ikotaki ma korakoran te aua ni wiira, “ko kona ni karina te kiia, kauarerekea te kiia, karekea riki korakorana, ao ni buti,” e taku n te maungatabu ni kabuta n Okitobwa 2016. “N ai aron ae kiia a ikotaki ni karekea te korakora ae raka inanon te kambwaun, ti karekea te korakora ae raka ngkana ti ikotaki ni kabane. Ngkai ti katiteuanaaki ni beku imarenara, ti katiai aika mwaiti riki nakon are ti kona i bon iroura. E kakukurei aron te kabaeaki ao te katiteuanaaki ngkai ti beku, ao n ibuobuoki n ana mwakuri te Uea.”

Unimwaane Cook e kamatoaki bwa te Mataniwi ni Kabuta n te Itingaun n Eberi 2, 2011. Imwain nakoana ae boou, Unimwaane Cook e ibuobuoki n ana etekuata te ekaretia, ngke e ibuobuoki ma aki noran te Aono ni Maeao i Amerika Meang, irarikin mwakuri ake tabeua. Imwaina, e beku bwa te Beretitenti n Aonon Aberika Maiakimainiku.

Unimwaane Cook e kaungaia Aika itiaki ni Boong aika Kaitira bwa ana uringa te wewete anne inanon te Ekaretia are e riki mairoun te Atua rinanoia Ana toro aika tia n rineaki.

“Kakabwaia a roko ngkai ti reitinako n ara wewete ao tabera ao n teimatoa inanon te onimaki ni kabane inanora.”

Unimwaane Cook e karekea ana baetira n te arts man te Weber State Kaoretii Utah ao ana mwatita n te bitineti man te Utah State Iunitiweri. Imwain weteana nakon te Itingaun, e mwakuri n te karikirake iaon te aba.

Ana wewete Unimwaane Cook e raonaki ma te beku ni mitinare ae bwanin taiana Hamburg, Germany, ao bwa te bitiobi, beretitenti n te titeiki, Itingaun n te Aono, ao te beretitenti n te New Zealand Auckland Mition.

E bungiaki i Ogden, Utah, USA, n Okitobwa 15, 1957. E mare ma Lynette Hansen n Ritembwa 1979. A riki bwa kaaro irouia ataei aika niman.