Lisa L. Harkness

Moan Kauntira n te Beretitentii ni Kabuta n te Moanrinan

Lisa L. Harkness e a tia n tainako ni karekea tangiran te reirei ao te aonaaba ni katobibia, te bwai ae e toua mwiina mai irouia ana karo. E a tia ni kamatebwaia te political science ao e reiakina naba aron kawakinaia maan aika a kona ni maiu n te ran ao iaon te aba ngke e mwakuri n te Monte L. Bean Life Science Museum inanon ana tai ngke e mena n te Brigham Young University—n raonaki ma tineiki.

“Iai anuaia, ko kakoaua ke ko aki,” e taku neiei. “Iai temanna ae e kinaai ni katoa tai are I taua iai.” Howard, te tineiki ae uraura bukina, e kawarake iaon angana, e bwaoua i roroana, ao e kawenea atuuna iaona ngkai e reireiniia kurubu ake a roko nakon te miutiam.

N taai aikai, e kona naba n anai ao ni kinai aekakin nako tineiki—ti ngkana a aki un nakoina.

Titita Harkness e bungiaki i Los Angeles, California, USA, irouia Ronald ao LaRae Long n Tianuare 13, 1965. Te karimoa irouia nati aika niman, neiei ma ana utu a “tatauraoi n tainako n neneweaba, n tiku i tinaniku, ao n noora te aonaaba.” E taku bwa ibukina bwa e kona n tainako n titirakiniia ana karo, “I kakoaua ni kabane ao n onimakinna bwa I kona n nakon Tamara are i Karawa ni karekei kaeka.”

Imwiin ana beku n te mition ae a taetae n Spanish iai i Louisiana Baton Rouge Mition, Titita Harkness e angabeebwa man te BYU ma ana baetura n te science tikurii n te political science ao te angareirei n te kauarinan. E mare ma David S. Harkness n Eberi 22, 1988, n te Salt Lake Tembora. Iai natina aika niman ao uoman tibuna.

Titita Harkness—are e atongaki bwa te Moan Kauntira n te Beretitentii ni Kabuta n te Moanrinan ni Maati 31, 2018—e a tia naba n riki bwa kain te baba n tararua n te Moanrinan ni kabuta, beretitenti n aia Bootaki Ataeinnaine n te titeiki, beretitenti n te Bootaki n Aine n te uoote, kauntira n te beretitentii n te uoote ibukiia Kairake n Ataeinnaine, Mwaea Mwaite Atuwaitia, tarekita ibukin aia kaembwa Kairake n Ataeiaine, tarekita n rongorongon te utu n te titeiki, kantiaotanti n rongorongon te utu n te uoote, ao te tia reirei n Reirein te Euangkerio.

E a tia naba n anganano n aia bootaki kaaro ao taan reirei n ana tabo, kauntira n te komiuniti, te Utah Symplony, ao teTimpanogos Storytelling Festival, ai arona naba nakon ana tautaeka n te tabo n nakoa aika a kakaokoro.